ᠲᠠᠷᠬᠠᠨ ᠮᠤᠤᠮᠢᠩᠭᠠᠨ ᠳᠠᠬᠢ ᠬᠠᠰᠠᠷ ᠤᠨ ᠲᠠᠬᠢᠯᠭᠠ ᠶᠢᠨ ᠣᠷᠳᠤᠨ ᠬᠠᠪᠤᠳᠤ ᠬᠠᠰᠠᠷ ᠤᠨ ᠲᠠᠬᠢᠯᠭᠠ ᠨᠢ | ᠬᠡᠪᠴᠢᠶᠡ ᠪᠠᠷ ᠨᠡᠯᠢᠶᠡᠳ ᠦᠷᠭᠡᠨ᠂ ᠠᠭᠤᠯᠭᠠ ᠪᠠᠷ ᠣᠯᠠᠨ ᠪᠠᠶᠢᠳᠠᠭ᠃ ᠮᠤᠤᠮᠢᠩᠭᠠᠨ ᠤ ᠲᠠᠬᠢᠯᠭᠠ ᠳᠤ ᠲᠠᠬᠢᠵᠤ | ᠪᠠᠶᠢᠭᠠ ᠪᠣᠯ ᠲᠠᠬᠢᠯᠭᠠ ᠶᠢᠨ ᠣᠷᠳᠤᠨ᠂ ᠲᠠᠬᠢᠯᠭᠠ ᠶᠢᠨ ᠦᠷᠭᠦᠭᠡ︔ ᠠᠷᠤ ᠬᠤᠷᠴᠢᠨ ᠤ ᠲᠠᠬᠢᠵᠦ ᠪᠠᠶᠢᠭᠠ ᠪᠣᠯ | ᠲᠠᠬᠢᠯᠭᠠ ᠶᠢᠨ ᠣᠪᠣᠭᠠ︔ ᠣᠳᠤᠭ ᠤᠨ ᠡᠮᠦᠨᠡᠳᠦ ᠬᠤᠰᠢᠭᠤᠨ ᠳᠤ ᠲᠠᠬᠢᠵᠤ ᠪᠠᠶᠢᠭᠠ ᠪᠣᠯ ᠠᠯᠠᠭ ᠰᠦᠯᠳᠡ︔ | ᠠᠯᠠᠱᠠ ᠳᠤ ᠲᠠᠬᠢᠵᠦ ᠪᠠᠶᠢᠭᠠ ᠪᠣᠯ ᠪᠠᠶᠢᠪᠠᠩᠬᠠ᠂ ᠪᠦᠷ ᠬᠠᠰᠠᠷ ᠢ ᠲᠠᠬᠢᠵᠦ ᠪᠠᠶᠢᠨᠠ᠃ ᠮᠠᠨ ᠤ ᠪᠤᠭᠤᠳᠤ | ᠬᠤᠲᠠ ᠨᠢ ᠳᠡᠭᠡᠳᠦᠰ ᠤᠨ ᠲᠡᠤᠬᠡ ᠰᠣᠳᠣᠯᠣᠯ ᠪᠣᠯᠣᠨ ᠵᠢᠭᠤᠯᠴᠢᠯᠡᠯ ᠤᠨ ᠦᠢᠯᠡᠰ ᠢ ᠤᠶᠠᠯᠳᠤᠭᠤᠯᠵᠤ ᠬᠠᠪᠤᠳᠤ | ᠬᠠᠰᠠᠷ ᠤᠨ ᠲᠠᠬᠢᠯᠭᠠ ᠶᠢ ᠪᠣᠯ ᠨᠡᠯᠢᠶᠡᠳ ᠦᠷᠭᠡᠳᠭᠡᠨ᠂ ᠬᠠᠰᠠᠷ ᠤᠨ ᠣᠪᠣᠭᠠ ᠶᠢ ᠰᠢᠨᠡᠳᠭᠡᠨ᠂ ᠬᠠᠰᠠᠷ ᠤᠨ | ᠰᠦᠯᠳᠡ ᠶᠢᠨ ᠲᠠᠬᠢᠯᠭᠠ ᠶᠢ ᠡᠬᠢᠯᠡᠭᠦᠯᠵᠦ᠂ ᠬᠠᠰᠠᠷ ᠤᠨ ᠦᠷᠭᠦᠭᠡᠨ ᠤ ᠲᠠᠬᠢᠯᠭᠠ᠂ ᠬᠠᠰᠠᠷ ᠤᠨ ᠪᠦᠷᠢᠶᠡᠨ ᠤ | ᠲᠠᠬᠢᠯᠭᠠ ᠵᠡᠷᠭᠡ ᠶᠢ ᠬᠢᠳᠡᠭ ᠠᠴᠠ ᠬᠠᠪᠤᠳᠤ ᠬᠠᠰᠠᠷ ᠤᠨ ᠲᠦᠪᠯᠡᠷᠡᠭᠰᠡᠨ ᠨᠢᠭᠡᠨ ᠲᠠᠬᠢᠯᠭᠠ ᠪᠣᠯᠣᠨᠠ᠃ 1988 | ᠣᠨ ᠳᠤ ᠲᠠᠷᠬᠠᠨ ᠮᠤᠤᠮᠢᠩᠭᠠᠨ ᠳᠤ ᠰᠢᠨᠡ ᠪᠠᠷ ᠪᠠᠶᠢᠭᠤᠯᠤᠭᠰᠠᠨ ︽ᠬᠠᠪᠤᠳᠤ ᠬᠠᠰᠠᠷ ᠤᠨ ᠲᠠᠬᠢᠯᠭᠠ ᠶᠢᠨ ᠣᠷᠳᠤᠨ | ︾ ᠨᠢ ᠶᠡᠷᠡᠨ ᠲᠡᠭᠰᠢ ᠲᠦᠷᠪᠡᠯᠵᠢᠨ ᠮᠧᠳ᠋ᠷ ᠲᠠᠯᠠᠪᠠᠢ ᠲᠠᠢ ᠶᠢᠰᠦᠨ ᠮᠧᠳ᠋ᠷ ᠦᠨᠳᠦᠷ ᠪᠦᠮᠪᠦᠭᠡᠷ ᠣᠷᠦᠢ ᠲᠠᠢ ᠭᠤᠣᠯ | ᠲᠠᠩᠬᠢᠮ ᠪᠣᠯᠣᠨ ᠬᠤᠶᠠᠷ ᠴᠢᠬᠢᠨ ᠲᠠᠩᠬᠢᠮ ᠢᠶᠠᠷ ᠪᠦᠷᠢᠯᠳᠦᠵᠡᠢ᠃ ᠮᠤᠩᠭᠤᠯ ᠭᠡᠷ ᠰᠢᠭ ᠪᠦᠮᠪᠦᠭᠡᠷ ᠣᠷᠣᠢ | ᠳᠡᠭᠡᠷᠡ ᠨᠢ ᠠᠯᠳᠠᠨ ᠭᠠᠨᠵᠢᠷᠠ ᠮᠠᠨᠳᠤᠭᠤᠯᠵᠤ ᠤᠭᠠᠯᠵᠠ ᠭᠦᠯᠳᠦᠷᠭᠡ ᠵᠢᠷᠤᠭᠰᠠᠨ ᠪᠦᠭᠡᠳ ᠬᠤᠶᠠᠷ ᠴᠢᠬᠢᠨ | ᠲᠠᠩᠬᠢᠮ ᠤᠨ ᠬᠢᠨᠢ ᠣᠷᠣᠢ ᠲᠡᠭᠡᠷᠡ ᠲᠠᠯᠢᠵᠦ ᠪᠠᠶᠢᠭᠠ ᠨᠣᠮᠤ ᠰᠤᠮᠤ ᠪᠣᠯᠣᠨ ᠰᠦᠯᠳᠡ ᠰᠢᠷᠡᠭᠡ ᠶᠢ ᠲᠤᠰ ᠪᠦᠷᠢ | ᠪᠣᠰᠬᠠᠭᠰᠠᠨ ᠬᠠᠪᠤᠳᠤ ᠬᠠᠰᠠᠷ ᠤᠨ ᠮᠡᠷᠭᠡᠨ ᠪᠣᠳᠣᠯᠭᠠ᠂ ᠡᠷᠡᠮᠡᠬᠡᠢ ᠴᠢᠳᠠᠯ ᠢᠶᠠᠷ ᠢᠶᠠᠨ ᠲᠠᠭᠠᠷᠢᠬᠤ ᠪᠦᠷᠢ ᠲᠠᠶᠢᠯᠵᠤ᠂ | ᠪᠠᠶᠢᠯᠳᠤᠬᠤ ᠪᠦᠷᠢ ᠢᠯᠠᠳᠠᠭ ᠠᠤᠭᠠ ᠶᠡᠭᠡ ᠰᠦᠷ ᠬᠦᠴᠦᠨ᠂ ᠰᠦᠯᠳᠡ ᠬᠡᠢ ᠮᠣᠷᠢ ᠶᠢ ᠨᠢ ᠪᠡᠯᠭᠡᠳᠡᠵᠡᠢ᠃ ᠬᠠᠪᠤᠳᠤ | ᠬᠠᠰᠠᠷ ᠤᠨ ᠡᠳ᠋ᠯᠡᠯ ᠬᠡᠷᠡᠭᠰᠡᠯ ᠳᠡᠭᠡᠷᠡ ᠪᠠᠰᠠ ᠣᠯᠠᠨ ᠬᠡᠯᠡᠯᠭᠡ ᠲᠠᠢ᠃ ᠬᠠᠪᠤᠳᠤ ᠬᠠᠰᠠᠷ ᠤᠨ ᠦᠶᠡ ᠶᠢᠨ ᠶᠠᠭᠤᠮᠠ | ᠬᠡᠵᠦ ᠪᠠᠶᠢᠭᠠ ᠪᠢᠰᠢ᠃ ᠭᠡᠪᠡᠴᠦ ᠬᠠᠪᠤᠳᠤ ᠬᠠᠰᠠᠷ ᠤᠨ ᠬᠤᠶᠢᠴᠢ ᠦᠶᠡ ᠶᠢᠨ ᠬᠦᠮᠦᠰ ᠤᠨ ᠤᠯᠠᠮᠵᠢᠯᠠᠭᠰᠠᠨ | ᠬᠠᠪᠤᠳᠤ ᠬᠠᠰᠠᠷ ᠤᠨ ᠲᠠᠬᠢᠯᠭᠠ ᠲᠠᠢ ᠬᠤᠯᠪᠤᠭᠳᠠᠬᠤ ᠦᠨᠡ ᠴᠡᠨᠡ ᠲᠠᠢ ᠵᠦᠢᠯᠡᠰ ᠪᠣᠯ ᠪᠤᠢ᠃ ᠬᠠᠪᠤᠳᠤ | ᠬᠠᠰᠠᠷ ᠤᠨ ᠬᠤᠶᠠᠷ ᠵᠢᠷᠤᠮᠠᠯ ᠬᠦᠷᠦᠭ ᠪᠣᠯ ᠳᠠᠷᠤᠢ ᠬᠠᠪᠤᠳᠤ ᠬᠠᠰᠠᠷ ᠤᠨ ᠤᠤᠯ ᠤᠨ ᠪᠠᠶᠢᠭᠰᠠᠨ ᠬᠦᠷᠦᠭ ᠢ | ᠰᠡᠭᠦᠳᠡᠷᠯᠡᠵᠦ ᠠᠪᠤᠭᠰᠠᠨ ᠪᠠᠶᠢᠨᠠ᠃ ᠲᠠᠬᠢᠪᠠᠯ ᠲᠠᠬᠢᠯᠭᠠ ᠶᠢᠨ ᠣᠷᠳᠤᠨ ᠳᠤ ᠨᠢᠭᠡ ᠦᠯᠢᠶᠡᠳᠡᠭ ᠳᠤᠩ ᠪᠤᠢ᠂ ᠡᠨᠡ | ᠪᠣᠯ ᠬᠠᠭᠤᠴᠢᠨ ᠦᠶᠡ ᠳᠤ ᠪᠠᠶᠢᠭᠰᠠᠨ ᠳᠤᠩ ᠪᠣᠯᠤᠨᠠ᠃ ᠲᠠᠬᠢᠯᠭᠠ ᠶᠢᠨ ᠪᠠᠰᠠ ᠨᠢᠭᠡ ᠬᠤᠪᠢᠩ ᠪᠤᠢ᠂ ᠭᠠᠤᠯᠢᠨ | ᠰᠠᠭᠤᠯᠭᠠ ᠪᠤᠢ᠂ ᠡᠨᠡ ᠨᠢ ᠡᠩ ᠤᠨ ᠦᠨᠢᠶᠡ ᠰᠠᠭᠠᠳᠠᠭ ᠰᠠᠭᠤᠯᠠᠭᠠ ᠠᠴᠠ ᠶᠡᠭᠡ᠂ ᠡᠨᠡ ᠰᠠᠭᠤᠯᠠᠭᠠ ᠪᠣᠯ ᠮᠦᠨ | ᠤᠤᠯ ᠠᠴᠠ ᠪᠠᠨ ᠪᠠᠶᠢᠭᠰᠠᠨ᠃ ᠪᠠᠰᠠ ᠨᠢᠭᠡ ᠨᠣᠮᠤ ᠰᠤᠮᠤ ᠪᠤᠢ᠂ ᠲᠡᠷᠡ ᠴᠤ ᠤᠤᠯ ᠠᠴᠠ ᠪᠠᠨ ᠪᠠᠶᠢᠭᠰᠠᠨ᠃ ᠨᠡᠩ | ᠦᠨᠡᠳᠡᠢ ᠵᠦᠢᠯ ᠪᠣᠯ ︽ᠴᠢᠩᠭᠢᠰ ᠤᠨ ᠲᠠᠬᠢᠯᠭᠠ ᠶᠢᠨ ᠰᠤᠳᠤᠷ ᠣᠷᠣᠰᠢᠪᠠᠢ︾᠂ ︽ᠴᠢᠩᠭᠢᠰ ᠤᠨ ᠴᠠᠳᠢᠭ | ᠣᠷᠣᠰᠢᠪᠠᠢ︾ ᠭᠡᠬᠦ ᠬᠤᠶᠠᠷ ᠰᠤᠳᠤᠷ ᠨᠤᠮᠤ ᠪᠣᠯ ᠶᠡᠷᠦ ᠨᠢ ᠠᠳᠡ ᠬᠠᠳᠠᠭᠠᠯᠠᠭᠳᠠᠵᠤ ᠪᠠᠶᠢᠭᠰᠠᠨ᠃ ᠡᠭᠦᠨ ᠢ ᠦᠪᠦᠷ | ᠮᠤᠩᠭᠤᠯ ᠤᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠤ ᠬᠦᠷᠢᠶᠡᠯᠡᠩ ᠳᠤ ᠲᠡᠷᠡ ᠶᠣᠰᠤᠭᠠᠷ ᠨᠢ ᠬᠠᠳᠠᠭᠠᠯᠠᠵᠤ ᠪᠤᠢ᠂ ᠲᠤᠷᠤᠩᠭᠠ | ᠨᠣᠮ ᠳᠠᠭᠠᠨ ᠲᠡᠪᠲᠡᠷᠯᠡᠵᠦ ᠭᠠᠷᠭᠠᠭᠰᠠᠨ᠃ ᠲᠠᠬᠢᠭᠠᠳ ᠬᠡᠯᠡᠪᠡᠯ ᠭᠠᠳᠠᠷ ᠲᠠᠯᠠ ᠳᠤ ᠪᠢᠴᠢᠭ ᠤᠨ ᠬᠠᠳᠠ ᠭᠡᠵᠦ ᠪᠤᠢ᠃ | ᠲᠡᠷᠡ ᠦᠶᠡ ᠳᠤ ᠬᠠᠰᠠᠷ ᠤᠨ ᠲᠠᠬᠢᠯᠭᠠ ᠶᠢᠨ ᠣᠯᠠᠨ ᠵᠦᠢᠯ ᠤᠨ ᠶᠠᠭᠤᠮᠠ ᠳᠠᠭᠤᠤ᠂ ᠰᠢᠯᠦᠭ᠂ ᠢᠷᠦᠭᠡᠯ | ᠮᠠᠭᠲᠠᠭᠠᠯ᠂ ᠤᠩᠰᠢᠯᠭᠠ ᠰᠠᠩ᠂ ᠲᠡᠤᠬᠡ ᠨᠠᠮᠲᠠᠷ ᠪᠣᠯ ᠪᠦᠷ ᠪᠢᠴᠢᠭ ᠤᠨ ᠬᠠᠳᠠᠨ ᠳᠤ ᠬᠠᠳᠠᠭᠠᠯᠠᠭᠳᠠᠵᠤ ᠪᠠᠶᠢᠭᠰᠠᠨ᠃ | ᠦᠷᠭᠦᠭᠡ ᠶᠢᠨ ᠬᠢᠨᠢ ᠪᠦᠷᠢᠶᠡᠰᠦ ᠶᠢ ᠪᠣᠯ ᠭᠤᠷᠪᠠᠨ ᠵᠢᠯ ᠳᠤ ᠨᠢᠭᠡ ᠤᠳᠠᠭᠠ ᠰᠣᠯᠢᠨᠠ᠃ ᠡᠨᠡ ᠰᠣᠯᠢᠭᠰᠠᠨ | ᠪᠦᠷᠢᠶᠡᠰᠦ ᠪᠠᠷ ᠢᠶᠠᠨ ᠨᠣᠮ ᠰᠤᠳᠤᠷ ᠢᠶᠠᠨ ᠪᠦᠳᠡᠭᠡᠵᠦ ᠲᠠᠯᠪᠢᠳᠠᠭ᠃ ᠭᠤᠷᠪᠠᠨ ᠵᠢᠯ ᠳᠤ ᠨᠢᠭᠡ ᠰᠤᠯᠢᠬᠤ ᠪᠣᠯᠭᠠᠨ | ᠲᠡᠷᠡ ᠭᠠᠵᠠᠷ ᠲᠠᠯᠪᠢᠵᠦ᠂ ᠪᠤᠰᠤᠳ ᠭᠠᠵᠠᠷ ᠬᠠᠶᠠᠵᠦ ᠪᠣᠯᠬᠤ ᠦᠭᠡᠢ᠃ ᠢᠰᠡᠭᠡᠢ ᠪᠣᠯ ᠤᠰᠤᠨ ᠳᠤ ᠳᠠᠭᠠᠭᠠᠴᠠᠳᠠᠢ᠃ | ᠵᠤᠵᠠᠭᠠᠨ ᠪᠣᠯᠣᠭᠠᠳ ᠢᠷᠡᠬᠦ ᠳᠤ ᠪᠤᠷᠤᠭᠠᠨ ᠤ ᠤᠰᠤ ᠨᠡᠪᠳᠡᠷᠡᠬᠦ ᠦᠭᠡᠢ ᠪᠣᠯᠳᠠᠭ᠃ ᠬᠠᠰᠠᠷ ᠤᠨ ᠪᠢᠴᠢᠭ ᠤᠨ | ᠬᠠᠳᠠᠨ ᠳᠤ ᠪᠠᠶᠢᠭᠠ ᠨᠣᠮ ᠰᠤᠳᠤᠷ ᠲᠡᠷᠡ ᠴᠢᠭ ᠢᠶᠠᠷ ᠢᠶᠠᠨ ᠰᠠᠶᠢᠬᠠᠨ ᠬᠠᠳᠠᠭᠠᠯᠠᠭᠳᠠᠵᠤ ᠪᠠᠶᠢᠨᠠ᠃ ᠰᠤᠳᠤᠷ ᠤᠨ | ᠬᠠᠳᠠ ᠪᠣᠯ ᠪᠠᠰᠠ ᠳᠤᠷᠠᠰᠬᠠᠯᠳᠤ ᠵᠦᠢᠯ ᠤᠨ ᠦᠯᠡᠳᠡᠭᠳᠡᠯ ᠳᠤ ᠣᠷᠣᠵᠣ ᠪᠣᠯᠣᠨᠠ᠃ ᠲᠣᠭᠤᠭᠠᠴᠢ ᠶᠢᠨ ᠪᠤᠯᠠᠭ | ᠲᠡᠷᠡ ᠬᠡᠪ ᠢᠶᠠᠷ ᠢᠶᠠᠨ ᠪᠤᠢ᠂ ᠲᠡᠨᠳᠡ ᠪᠠᠰᠠ ᠨᠢᠭᠡ ᠪᠠᠯᠪᠠᠷᠬᠠᠢ ᠬᠠᠰᠠᠭ ᠪᠤᠢ᠂ ᠲᠡᠭᠦᠨ ᠢ ᠬᠠᠰᠠᠷ ᠤᠨ ᠲᠠᠬᠢᠯᠭᠠ ᠶᠢᠨ | ᠦᠶᠡ ᠳᠤ ᠠᠷᠭᠠᠯ ᠲᠡᠭᠦᠬᠦ ᠪᠤᠶᠤ ᠪᠦᠷᠢᠶᠡᠰᠦ ᠪᠠᠨ ᠲᠡᠭᠡᠭᠡᠬᠦ ᠳᠤ ᠬᠡᠷᠡᠭᠯᠡᠵᠦ ᠪᠠᠶᠢᠭᠰᠠᠨ ᠭᠡᠳᠡᠭ᠃ ᠬᠠᠰᠠᠷ ᠢ | ᠰᠤᠳᠤᠯᠬᠤ ᠳᠤ ᠲᠡᠭᠦᠨ ᠤ ᠦᠯᠢᠭᠡᠷ ᠲᠡᠤᠬᠡ ᠪᠤᠢ᠂ ᠭᠠᠷ ᠲᠤ ᠬᠠᠳᠠᠭᠠᠯᠠᠭᠳᠠᠵᠤ ᠦᠯᠡᠳᠡᠭᠰᠡᠨ ᠶᠠᠭᠤᠮᠠ ᠪᠠᠰᠠ ᠪᠤᠢ᠃ | ᠪᠠᠰᠠ ᠨᠢᠭᠡ ᠡᠮᠡᠭᠡᠯ ᠪᠣᠢ᠂ ᠰᠠᠭᠤᠳᠠᠯ ᠨᠢ ᠶᠡᠭᠡ᠂ ᠡᠩ ᠤᠨ ᠡᠮᠡᠭᠡᠯ ᠲᠠᠢ ᠲᠠᠭᠠᠷᠠᠬᠤ ᠦᠭᠡᠢ᠃ ᠡᠳᠡᠭᠡᠷ ᠵᠦᠢᠯ ᠪᠣᠯ | ᠬᠠᠰᠠᠷ ᠤᠨ ᠲᠠᠬᠢᠯᠭᠠ ᠶᠢ ᠲᠠᠬᠢᠬᠤ ᠦᠶᠡ ᠳᠤ ᠬᠡᠷᠡᠭᠯᠡᠵᠦ᠂ ᠬᠤᠵᠢᠮ ᠰᠤᠳᠤᠯᠬᠤ ᠳᠤ ᠬᠡᠷᠡᠭᠴᠡᠭᠡ ᠲᠠᠢ᠂ ᠶᠠᠭᠤ | ᠪᠤᠯᠤᠭᠰᠠᠨ ᠴᠤ ᠤᠯᠠᠮᠵᠢᠯᠠᠬᠤ ᠵᠦᠢᠯ ᠪᠠᠰᠠ ᠪᠤᠢ᠂ ᠬᠤᠳᠠᠯ ᠬᠡᠶᠢᠰᠪᠦᠷᠢ ᠦᠭᠡᠷᠡ ᠪᠤᠷᠬᠠᠨ ᠲᠠᠬᠢᠯᠭᠠ ᠲᠠᠢ ᠠᠳᠠᠯᠢ | ᠦᠭᠡᠢ᠃ ᠬᠠᠰᠠᠷ ᠤᠨ ᠲᠠᠬᠢᠯᠭᠠ ᠪᠣᠯ ᠶᠡᠭᠡ ᠴᠢᠬᠤᠯᠠ ᠦᠨᠡ ᠦᠷᠲᠡᠭ ᠲᠠᠢ᠂ ᠲᠡᠤᠬᠡ ᠶᠢᠨ ᠤᠯᠠᠮᠵᠢᠯᠠᠯ ᠲᠠᠢ | ᠰᠤᠶᠤᠯ ᠪᠠᠶᠢᠭᠠ ᠶᠤᠮ᠃ ᠲᠡᠶᠢᠮᠦ ᠳᠡᠭᠡᠨ ᠬᠠᠰᠠᠷ ᠤᠨ ᠲᠠᠬᠢᠯᠭᠠ ᠶᠢᠨ ᠰᠤᠶᠤᠯ ᠢ ᠮᠠᠨ ᠤ ᠬᠤᠶᠢᠴᠢ ᠦᠶᠡ ᠳᠡᠭᠡᠨ | ᠤᠯᠠᠮᠵᠢᠯᠠᠵᠤ ᠬᠦᠭᠵᠢᠬᠦᠯᠬᠦ ᠴᠢᠬᠤᠯᠠᠳᠠᠢ᠃ | | |