ᠠᠯᠲᠠᠨ ᠬᠠᠨ ᠪᠣᠯ 16 ᠳ᠋ᠤᠭᠠᠷ ᠵᠠᠭᠤᠨ ᠤ ᠳᠤᠮᠳᠠᠴᠢ ᠦᠶᠡ ᠪᠠ ᠰᠡᠭᠦᠯᠴᠢ ᠦᠶᠡ ᠳᠠᠬᠢ ᠤᠮᠠᠷᠠᠳᠤ | ᠶᠤᠸᠠᠨ ᠤᠯᠤᠰ ᠤᠨ ᠲᠡᠤᠬᠡᠨ ᠳᠤ ᠠᠯᠳᠠᠷ ᠴᠤᠤᠲᠠᠢ ᠨᠦᠯᠦᠭᠡ ᠶᠡᠬᠡᠳᠡᠢ ᠹᠸᠤᠳᠠᠯ ᠤᠨ ᠡᠵᠡᠨ ᠪᠠᠶᠢᠵᠤ᠂ ᠲᠤᠬᠠᠢ ᠶᠢᠨ | ᠦᠶᠡ ᠶᠢᠨ ᠵᠢᠷᠭᠤᠭᠠᠨ ᠲᠦᠮᠡᠨ ᠤ ᠳᠣᠳᠤᠷᠠᠬᠢ ᠲᠦᠮᠡᠳ ᠲᠦᠮᠡᠨ ᠤ ᠬᠠᠨ ᠪᠣᠯᠣᠨᠠ᠃ ᠲᠡᠷᠡ ᠨᠣᠶᠠᠷᠬᠠᠯ ᠤᠨ | ᠬᠤᠭᠤᠴᠠᠭᠠᠨ ᠳᠠᠭᠠᠨ ᠮᠢᠩ ᠤᠯᠤᠰ ᠲᠠᠢ ᠤᠳᠠᠭᠠᠨ ᠵᠢᠯ ᠢᠶᠠᠷ ᠲᠠᠶᠢᠨ ᠳᠠᠵᠢᠨ ᠬᠢᠬᠦ ᠶᠢᠨ ᠬᠠᠮᠲᠤ ᠮᠦᠨ ᠬᠤᠶᠠᠷ | ᠡᠲᠡᠭᠡᠳ ᠢᠶᠠᠷ ᠢᠶᠠᠨ ᠡᠪ ᠨᠠᠶᠢᠷᠠᠮᠳᠠᠭᠤ ᠬᠠᠷᠢᠴᠠᠬᠤ ᠶᠢ ᠬᠦᠳᠦᠯᠦᠩᠭᠦᠢ ᠪᠠᠷ ᠡᠷᠡᠮᠡᠯᠵᠡᠯᠡᠨ ᠲᠡᠮᠡᠴᠡᠭᠰᠡᠨ ᠶᠤᠮ᠃ ᠲᠡᠷᠡ | ᠮᠤᠩᠭᠤᠯ ᠬᠢᠲᠠᠳ ᠬᠤᠶᠠᠷ ᠦᠨᠳᠦᠰᠦᠳᠡᠨ ᠤ ᠠᠷᠠᠳ ᠲᠦᠮᠡᠨ ᠤ ᠰᠤᠶᠤᠯ ᠪᠣᠯᠣᠨ ᠠᠵᠤ ᠠᠬᠤᠢ ᠶᠢᠨ | ᠬᠠᠷᠢᠯᠴᠠᠭᠠ ᠶᠢ ᠴᠢᠩᠭᠠᠳᠬᠠᠭᠰᠠᠨ ᠢᠶᠠᠷ ᠪᠠᠷᠠᠬᠤ ᠦᠭᠡᠢ᠂ ᠮᠤᠩᠭᠤᠯ᠂ ᠲᠦᠪᠡᠳ᠂ ᠣᠶᠢᠭᠤᠷ ᠵᠡᠷᠭᠡ ᠪᠤᠰᠤᠳ | ᠴᠦᠭᠡᠨ ᠲᠣᠭᠠᠲᠤ ᠦᠨᠳᠦᠰᠦᠳᠡᠨ ᠤ ᠬᠤᠭᠤᠷᠤᠨᠳᠤᠬᠢ ᠬᠠᠷᠢᠴᠠᠭᠠ ᠬᠤᠯᠪᠣᠭᠠ ᠶᠢ ᠴᠤ ᠲᠦᠯᠬᠢᠨ ᠠᠬᠢᠭᠤᠯᠵᠤ᠂ | ᠨᠣᠶᠠᠷᠬᠠᠯ ᠤᠷᠤᠨ ᠤ ᠪᠠᠨ ᠲᠠᠷᠢᠶᠠᠯᠠᠩ ᠪᠣᠯᠣᠨ ᠭᠠᠷ ᠦᠢᠯᠡᠳᠪᠦᠷᠢᠯᠠᠯ ᠤᠨ ᠥᠳᠲᠡᠷ ᠲᠦᠷᠭᠡᠨ ᠬᠦᠭᠵᠢᠬᠦ ᠳᠤ | ᠲᠦᠢᠯ ᠤᠨ ᠢᠳᠡᠪᠬᠢᠳᠡᠢ ᠦᠢᠯᠡᠳᠦᠯ ᠦᠵᠡᠭᠦᠯᠦᠭᠰᠡᠨ ᠪᠠᠶᠢᠨᠠ᠃ ᠠᠯᠳᠠᠨ ᠬᠠᠨ ᠠᠴᠠ ᠬᠦᠬᠡᠬᠤᠲᠠ ᠶᠢ ᠴᠣᠭᠴᠠᠯᠠᠨ | ᠪᠠᠶᠢᠭᠤᠯᠤᠭᠰᠠᠨ ᠶᠠᠪᠤᠳᠠᠯ ᠨᠢ ᠤᠮᠠᠷᠠᠳᠤ ᠶᠤᠸᠠᠨ ᠤᠯᠤᠰ ᠤᠨ ᠤᠯᠤᠰ ᠲᠦᠷᠦ ᠠᠵᠤ ᠠᠬᠤᠢ ᠪᠣᠯᠣᠨ ᠰᠤᠶᠤᠯ ᠤᠨ | ᠬᠦᠭᠵᠢᠯ ᠳᠤ ᠮᠠᠰᠢ ᠶᠡᠭᠡ ᠲᠦᠯᠬᠢᠴᠡ ᠬᠦᠴᠦᠨ ᠪᠣᠯᠵᠠᠢ᠃ ᠨᠡᠩ ᠴᠤ ᠯᠠᠮᠠ ᠶᠢᠨ ᠱᠠᠰᠢᠨ ᠢ ᠰᠤᠷᠲᠠᠯᠴᠢᠯᠠᠨ | ᠳᠡᠯᠭᠡᠷᠡᠭᠦᠯᠵᠦ ᠤᠮᠠᠷᠠᠳᠤ ᠶᠤᠸᠠᠨ ᠤᠯᠤᠰ ᠤᠨ ᠦᠷᠭᠡᠨ ᠠᠭᠤᠳᠠᠮ ᠭᠠᠵᠠᠷ ᠣᠷᠣᠨ ᠳᠤ ᠲᠦᠭᠡᠮᠡᠯᠵᠢᠭᠦᠯᠦᠭᠰᠡᠨ | ᠶᠠᠪᠤᠳᠠᠯ ᠨᠢ ᠤᠮᠠᠷᠠᠲᠤ ᠶᠤᠸᠠᠨ ᠤᠯᠤᠰ ᠤᠨ ᠤᠯᠤᠰ ᠲᠦᠷᠦ᠂ ᠠᠵᠤ ᠠᠬᠤᠢ᠂ ᠠᠮᠢᠳᠤᠷᠠᠯ ᠳᠤ ᠮᠠᠰᠢ ᠶᠡᠭᠡ | ᠨᠦᠯᠦᠭᠡ ᠳᠤᠰᠬᠠᠯ ᠭᠠᠷᠭᠠᠭᠰᠠᠨ ᠪᠠᠶᠢᠨᠠ᠃ ᠡᠶᠢᠨ ᠬᠦ ᠠᠯᠲᠠᠨ ᠬᠠᠨ ᠢ ᠲᠡᠤᠬᠡᠨ ᠳᠤ ᠰᠤᠤᠲᠤ ᠬᠠᠨ᠂ ᠠᠯᠲᠠᠨ | ᠭᠡᠭᠡᠨ ᠬᠠᠨ᠂ ᠴᠡᠭᠷᠡᠸᠡᠷᠳᠢ ᠬᠠᠨ᠂ ᠰᠢᠳᠦ ᠬᠠᠨ᠂ ᠱᠦᠨ ᠢ ᠸᠠᠩ ᠵᠡᠷᠭᠡ ᠶᠢᠨ ᠮᠠᠰᠢ ᠣᠯᠠᠨ ᠮᠢᠨᠳᠠᠭ ᠴᠤᠯᠠ | ᠡᠷᠭᠦᠮᠵᠢᠯᠡᠵᠦ ᠠᠯᠳᠠᠷ ᠨᠡᠷᠡ ᠨᠢ ᠠᠯᠳᠠᠨ ᠲᠡᠯᠡᠬᠡᠢ ᠳᠤ ᠳᠠᠭᠤᠷᠢᠰᠤᠭᠰᠠᠨ ᠪᠠᠶᠢᠨᠠ᠃ ᠨᠢᠭᠡ᠂ ᠠᠯᠲᠠᠨ ᠬᠠᠨ ᠲᠠᠢ | ᠠᠩᠬᠠ ᠲᠠᠨᠢᠯᠴᠠᠬᠤᠢ ᠠᠯᠲᠠᠨ ᠬᠠᠨ ᠤ ᠲᠡᠤᠬᠡ ᠨᠢᠭᠡᠨᠳᠡ ᠦᠩᠭᠡᠷᠡᠭᠡᠳ 500 ᠵᠢᠯ ᠪᠣᠯᠵᠠᠢ᠃ ᠲᠡᠭᠡᠪᠡᠯ ᠲᠠᠪᠤᠨ | ᠵᠠᠭᠤᠨ ᠵᠢᠯ ᠦᠩᠭᠡᠷᠡᠭᠰᠡᠨ ᠤ ᠳᠠᠷᠠᠭᠠ ᠠᠯᠲᠠᠨ ᠬᠠᠨ ᠤ ᠲᠤᠬᠠᠢ ᠶᠠᠷᠢᠬᠤ ᠳᠤ ᠮᠠᠨ ᠤ ᠨᠢᠳᠦᠨ ᠳᠤ ᠦᠵᠡᠭᠳᠡᠵᠦ | ᠭᠠᠷ ᠲᠤ ᠪᠠᠷᠢᠭᠳᠠᠮᠠᠷ ᠶᠠᠮᠠᠷ ᠶᠠᠮᠠᠷ ᠶᠠᠭᠤᠮᠠ ᠦᠯᠡᠳᠡᠵᠦ ᠪᠠᠶᠢᠭᠠ ᠪᠣᠯ︖ ᠨᠢᠭᠡᠳᠦᠭᠡᠷ ᠲᠤ᠂ ᠦᠨᠦᠳᠦᠷ ᠤᠨ | ᠬᠦᠬᠡᠬᠤᠲᠠ ᠶᠢ ᠠᠯᠲᠠᠨ ᠬᠠᠨ ᠪᠠᠶᠢᠭᠤᠯᠤᠭᠰᠠᠨ᠃ ᠬᠦᠬᠡᠬᠤᠲᠠ ᠶᠢᠨ ᠠᠩᠬᠠᠨ ᠤ ᠰᠠᠭᠤᠷᠢ ᠶᠢ ᠠᠯᠲᠠᠨ ᠬᠠᠨ | ᠲᠠᠯᠪᠢᠭᠰᠠᠨ ᠤᠴᠢᠷ ᠠᠴᠠ ᠬᠦᠮᠦᠰ ᠬᠦᠬᠡᠬᠤᠲᠠ ᠶᠢᠨ ᠠᠩᠬᠠᠳᠤᠭᠠᠷ ᠬᠤᠲᠠ ᠶᠢᠨ ᠲᠠᠷᠤᠭᠠ ᠶᠢ ᠠᠯᠲᠠᠨ ᠬᠠᠨ ᠭᠡᠵᠦ | ᠬᠡᠯᠡᠳᠡᠭ ᠮᠦᠷᠳᠡᠭᠡᠨ ᠪᠠᠰᠠ ᠠᠯᠳᠠᠨ ᠬᠠᠨ ᠤ ᠬᠠᠳᠤᠨ ᠰᠠᠨ ᠨᠢᠶᠠᠩᠽᠢ ︵ᠵᠦᠩᠭᠡᠨ ᠬᠠᠳᠤᠨ︶ ᠬᠦᠬᠡᠬᠤᠲᠠ ᠶᠢᠨ | ᠠᠩᠬᠠᠨ ᠤ ᠳᠠᠷᠤᠭᠠ ᠪᠠᠶᠢᠭᠰᠠᠨ ᠭᠡᠳᠡᠭ᠃ ᠠᠯᠲᠠᠨ ᠬᠠᠨ 1575 ᠣᠨ ᠳᠤ ᠬᠦᠬᠡᠬᠤᠲᠠ ᠶᠢ ᠪᠠᠶᠢᠭᠤᠯᠵᠠᠢ᠃ ︽ | ᠡᠷᠳᠡᠨᠢ ᠲᠤᠨᠤᠮᠠᠯ ᠨᠡᠷᠡᠲᠦ ᠰᠤᠳᠤᠷ︾ ᠲᠤ ᠬᠦᠬᠡᠬᠤᠲᠠ ᠶᠢ ᠪᠠᠶᠢᠭᠤᠯᠤᠭᠰᠠᠨ ᠲᠤᠬᠠᠢ ᠮᠠᠰᠢ ᠤᠷᠠᠨ | ᠲᠦᠷᠰᠦᠯᠢᠭ ᠢᠶᠠᠷ ᠲᠡᠮᠳᠡᠭᠯᠡᠭᠰᠡᠨ ᠪᠠᠶᠢᠳᠠᠭ ︽᠁ ᠤᠰᠤᠨ ᠪᠠᠴᠢᠨ ᠵᠢᠯ ︵1575 ᠣᠨ︶ ᠪᠠᠰᠠ ᠬᠦ | ᠠᠯᠳᠠᠭᠰᠠᠨ ᠲᠠᠶᠢᠳᠦ ᠶᠢ ᠠᠳᠠᠯᠢᠳᠬᠠᠨ ᠬᠦᠬᠡ ᠬᠤᠲᠠ ᠶᠢ ᠰᠡᠳᠦᠵᠦ᠂ ᠠᠳᠠᠯᠢᠳᠬᠠᠰᠢ ᠦᠭᠡᠢ ᠤᠷᠠᠨᠠ ᠵᠤᠬᠢᠶᠠᠨ | ᠵᠠᠰᠠᠵᠤ ᠵᠦᠪᠰᠢᠶᠡᠷᠡᠭᠡᠳ ᠬᠤᠷᠣᠬᠤᠨᠠ ᠬᠠᠨ ︵ᠬᠠᠷᠬᠤᠨᠠ ᠬᠠᠨ ᠭᠡᠳᠡᠭ︶ ᠢ ᠦᠪᠡᠷᠡ ︵ᠦᠪᠦᠷ ᠲᠤ︶ ᠬᠠᠳᠤᠨ | ᠮᠦᠷᠡᠨ ᠤ ᠭᠤᠣᠯ ᠳᠤᠷ ᠬᠠᠷᠠ ᠠᠭᠤᠯᠠ ᠭᠠᠵᠠᠷ ᠤᠨ ᠲᠡᠮᠳᠡᠭ ᠤᠳ ᠪᠦᠷᠢᠳᠦᠭᠰᠡᠨ ᠰᠠᠶᠢᠨ ᠪᠡᠯᠢᠭ ᠲᠤ ᠣᠷᠣᠨ ᠲᠤᠷ | ᠂ ᠭᠠᠶᠢᠬᠠᠮᠰᠢᠭ ᠦᠵᠡᠰᠭᠦᠯᠡᠩᠳᠦ ᠨᠠᠢᠮᠡᠨ ᠠᠰᠠᠷ ᠲᠤ ᠬᠤᠲᠠ ᠬᠢᠭᠡᠳ ᠬᠠᠰ ᠣᠷᠳᠣ ᠬᠠᠷᠰᠢ ᠤᠷᠠᠨᠠ | ᠪᠠᠶᠢᠭᠤᠯᠤᠭᠰᠠᠨ ᠁︾ ᠭᠡᠵᠡᠢ᠃ ᠬᠦᠬᠡᠬᠤᠲᠠ ᠶᠢ ᠪᠠᠶᠢᠭᠤᠯᠤᠭᠰᠠᠨ ᠤ ᠳᠠᠷᠠᠭᠠ ᠠᠯᠲᠠᠨ ᠬᠠᠨ ᠤ | ᠭᠤᠶᠤᠴᠢᠯᠡᠯ ᠢᠶᠠᠷ ᠮᠦᠨ ᠣᠨ ᠤ ᠠᠷᠪᠠᠨ ᠰᠠᠷᠠ ᠳᠤ ᠮᠢᠩ ᠤᠯᠤᠰ ᠤᠨ ᠱᠢᠽᠦᠩ ᠬᠠᠭᠠᠨ ᠬᠦᠬᠡᠬᠤᠲᠠ ᠳᠤ ᠬᠦᠢ | ᠬᠤᠸᠠ ᠴᠧᠩ ᠭᠡᠮᠡᠬᠦ ᠨᠡᠷᠡ ᠰᠣᠶᠣᠷᠬᠠᠵᠠᠢ᠃ ᠬᠤᠶᠠᠳᠤᠭᠠᠷ ᠲᠤ᠂ ᠰᠢᠷᠠ ᠶᠢᠨ ᠱᠠᠰᠢᠨ ᠢ ᠠᠯᠲᠠᠨ ᠬᠠᠨ ᠡᠬᠢᠯᠡᠵᠦ | ᠳᠡᠯᠭᠡᠷᠡᠭᠦᠯᠦᠭᠰᠡᠨ᠃ ᠬᠦᠬᠡᠬᠤᠲᠠ ᠶᠢᠨ ᠣᠷᠴᠢᠨ ᠲᠣᠭᠤᠷᠢᠨ ᠳᠤ ᠪᠠᠶᠢᠭᠠ ᠮᠠᠰᠢ ᠠᠷᠪᠢᠨ ᠰᠦᠮᠡ ᠬᠡᠶᠢᠳ᠂ | ᠵᠢᠱᠢᠶᠡᠯᠡᠪᠡᠯ ᠶᠡᠭᠡ ᠵᠤᠤ᠂ ᠰᠢᠷᠡᠭᠡᠳᠦ ᠵᠤᠤ᠂ ᠲᠠᠪᠤᠨ ᠰᠣᠪᠣᠷᠭᠠ ᠡᠶᠢᠮᠦ ᠣᠯᠠᠨ ᠰᠦᠮᠡ ᠬᠡᠶᠢᠳ ᠢ ᠠᠯᠲᠠᠨ ᠬᠠᠨ ᠤ | ᠦᠶᠡ ᠳᠤ ᠪᠠᠶᠢᠭᠤᠯᠤᠭᠰᠠᠨ ᠪᠣᠶᠤ ᠠᠯᠲᠠᠨ ᠬᠠᠨ ᠤ ᠬᠤᠶᠢᠴᠢ ᠦᠶᠡ ᠶᠢᠨ ᠬᠢᠨ ᠪᠠᠶᠢᠭᠤᠯᠤᠭᠰᠠᠨ᠃ ᠡᠭᠦᠨ ᠠᠴᠠ | ᠭᠠᠳᠠᠨᠠ ᠮᠤᠩᠭᠤᠯ ᠣᠷᠣᠨ ᠤ ᠭᠠᠵᠠᠷ ᠪᠦᠬᠦᠨ ᠢ ᠪᠠᠶᠢᠭᠠ ᠡᠶᠢᠮᠦ ᠣᠯᠠᠨ ᠰᠦᠮᠡ ᠬᠡᠶᠢᠳ ᠢ ᠬᠡᠵᠢᠶᠡ ᠠᠴᠠ | ᠡᠬᠢᠯᠡᠵᠦ ᠪᠠᠶᠢᠭᠤᠯᠤᠭᠰᠠᠨ ᠪᠤᠢ ᠭᠡᠪᠡᠯ᠂ ᠠᠯᠲᠠᠨ ᠬᠠᠨ ᠤ ᠦᠶᠡ ᠠᠴᠠ ᠡᠬᠢᠯᠡᠭᠰᠡᠨ᠃ ᠠᠯᠲᠠᠨ ᠬᠠᠨ ᠠᠴᠠ ᠡᠮᠦᠨᠡ | ᠮᠠᠨ ᠤ ᠮᠤᠩᠭᠤᠯ ᠳᠤ ᠰᠢᠷᠠ ᠶᠢᠨ ᠱᠠᠰᠢᠨ ᠲᠡᠯᠭᠡᠷᠡᠭᠡ ᠦᠭᠡᠢ᠂ ᠲᠡᠷᠡ ᠦᠶᠡ ᠳᠤ ᠶᠠᠮᠠᠷ ᠱᠠᠰᠢᠨ ᠳᠡᠯᠭᠡᠷᠡᠵᠦ | ᠪᠠᠶᠢᠭᠰᠠᠨ ᠪᠤᠢ ᠭᠡᠪᠡᠯ ᠮᠤᠩᠭᠤᠯ ᠤᠨ ᠢᠵᠡᠭᠤᠷ ᠱᠠᠰᠢᠨ ᠪᠣᠯᠬᠤ ᠪᠦᠬᠡ ᠶᠢᠨ ᠱᠠᠰᠢᠨ ᠳᠡᠯᠭᠡᠷᠡᠵᠦ ᠪᠠᠶᠢᠭᠰᠠᠨ ᠪᠠᠶᠢᠨᠠ | ᠃ ᠭᠤᠷᠪᠠᠳᠤᠭᠠᠷ ᠲᠤ᠂ ᠳᠠᠯᠠᠢ ᠯᠠᠮᠠ ᠭᠡᠬᠦ ᠨᠡᠷᠡ ᠶᠢ ᠠᠯᠲᠠᠨ ᠬᠠᠨ ᠦᠭᠬᠦᠭᠰᠡᠨ᠃ ᠬᠦᠮᠦᠰ ᠳᠠᠯᠠᠢ ᠯᠠᠮᠠ ᠭᠡᠵᠦ | ᠶᠠᠷᠢᠵᠦ ᠯᠠ ᠪᠠᠶᠢᠨᠠ᠂ ᠶᠠᠭᠠᠬᠢᠭᠠᠳ ᠲᠦᠪᠡᠳ ᠤᠨ ᠲᠡᠷᠡ ᠨᠢᠭᠡ ᠯᠠᠮᠠ ᠨᠢ ᠳᠠᠯᠠᠢ ᠯᠠᠮᠠ ᠭᠡᠳᠡᠭ ᠨᠡᠷᠡᠳᠡᠢ ᠪᠠᠶᠢᠳᠠᠭ | ᠪᠤᠢ︖ ᠡᠨᠡ ᠨᠡᠷᠡ ᠶᠢ ᠬᠡᠨ ᠦᠭᠬᠦᠭᠰᠡᠨ ᠪᠤᠢ︖ ᠡᠨᠡ ᠨᠡᠷᠡ ᠶᠢ ᠬᠠᠷᠢᠨ ᠠᠯᠲᠠᠨ ᠬᠠᠨ ᠦᠭᠭᠦᠭᠰᠡᠨ ᠪᠠᠶᠢᠬᠤ | ᠦᠭᠡᠢ ᠤᠤ︕ 1578 ᠣᠨ ᠤ 5 ᠰᠠᠷᠠ ᠶᠢᠨ 15 ᠤ ᠡᠳᠦᠷ ᠲᠦᠪᠡᠳ ᠤᠨ ᠽᠤᠩᠺᠠᠸᠠ ᠶᠢᠨ ᠶᠡᠭᠡ ᠱᠠᠪᠢ | ᠰᠤᠳᠨᠠᠮᠵᠠᠮᠰᠤ᠂ ᠠᠯᠲᠠᠨ ᠬᠠᠨ᠂ ᠵᠦᠩᠭᠡᠨ ᠬᠠᠲᠤᠨ ᠨᠠᠷ᠂ ᠮᠤᠩᠭᠤᠯ᠂ ᠬᠢᠲᠠᠳ᠂ ᠲᠦᠪᠡᠳ ᠤᠨ ᠬᠢᠵᠠᠭᠠᠷ | ᠨᠡᠶᠢᠯᠡᠵᠦ ᠪᠦᠬᠦᠢ ᠣᠷᠣᠨ ᠳᠠᠬᠢ ᠴᠠᠪᠴᠢᠶᠠᠯ ᠰᠦᠮᠡ ᠳᠤ ᠨᠢᠭᠤᠷ ᠤᠴᠠᠷᠠᠯᠳᠤᠨ ᠲᠡᠤᠬᠡᠳᠦ ᠠᠴᠢ ᠬᠤᠯᠪᠣᠭᠳᠠᠯ | ᠪᠦᠬᠦᠢ ᠴᠢᠭᠤᠯᠭᠠᠨ ᠪᠣᠯᠵᠤ ᠠᠯᠲᠠᠨ ᠬᠠᠨ ᠰᠤᠳᠨᠠᠮᠵᠠᠮᠰᠤ ᠳᠤ ︽ᠬᠠᠮᠤᠭ ᠢ ᠮᠡᠳᠡᠭᠴᠢ ᠸᠴᠢᠷ ᠳᠠᠯᠠᠢ ᠯᠠᠮᠠ︾ | ᠭᠡᠰᠡᠨ ᠴᠤᠯᠠ ᠡᠷᠭᠦᠪᠡ᠃ ᠡᠨᠡ ᠪᠣᠯ ᠳᠠᠷᠤᠢ ᠳᠠᠯᠠᠢ ᠯᠠᠮᠠ ᠭᠡᠰᠡᠨ ᠳᠠᠭᠤᠳᠠᠯᠭᠠ ᠶᠢᠨ ᠵᠢᠩᠬᠢᠨᠢ ᠢᠷᠡᠯᠳᠡ ᠪᠣᠯᠣᠨᠠ᠃ | ᠰᠤᠳᠨᠠᠮᠵᠠᠮᠰᠤ ᠪᠣᠯ ᠳᠠᠷᠤᠢ ᠭᠤᠷᠪᠠᠳᠤᠭᠠᠷ ᠳᠦᠷᠢ ᠶᠢᠨ ᠳᠠᠯᠠᠢ ᠯᠠᠮᠠ᠂ ᠨᠢᠭᠡᠳᠦᠭᠡᠷ ᠬᠤᠶᠠᠳᠣᠭᠠᠷ ᠳᠦᠷᠢ ᠶᠢᠨ | ᠳᠠᠯᠠᠢ ᠯᠠᠮᠠ ᠶᠢᠨ ᠴᠤᠯᠠ ᠶᠢ ᠰᠡᠭᠦᠯ ᠳᠤᠨᠢ ᠴᠢᠩ ᠤᠯᠤᠰ ᠤᠨ ᠡᠶᠡᠪᠡᠷ ᠵᠠᠰᠠᠭᠴᠢ ᠶᠢᠨ ᠠᠷᠪᠠᠳᠤᠭᠠᠷ ᠣᠨ ᠳᠤ | ᠨᠡᠭᠡᠮᠵᠢᠯᠡᠨ ᠡᠷᠭᠦᠮᠵᠢᠯᠡᠵᠡᠢ᠃ ᠡᠭᠦᠨ ᠠᠴᠠ ᠬᠤᠶᠢᠰᠢ ᠳᠠᠯᠠᠢ ᠯᠠᠮᠠ ᠭᠡᠬᠦ ᠨᠡᠷᠡ ᠪᠤᠢ ᠪᠣᠯᠣᠭᠰᠠᠨ ᠪᠠᠶᠢᠵᠠᠢ᠃ | ᠲᠦᠷᠪᠡᠳᠦᠭᠡᠷ ᠲᠤ᠂ ᠠᠯᠳᠠᠨ ᠬᠠᠨ ᠤ ᠦᠶᠡ ᠠᠴᠠ ᠡᠬᠢᠯᠡᠨ ᠮᠤᠩᠭᠤᠯ ᠣᠷᠣᠨ ᠳᠤ ᠪᠠᠶᠢᠰᠢᠩ ᠪᠣᠢ ᠪᠣᠯᠵᠤ᠂ | ᠲᠠᠷᠢᠶᠠᠯᠠᠬᠤ ᠰᠤᠶᠤᠯ ᠮᠣᠩᠭᠤᠯ ᠣᠷᠣᠨ ᠳᠤ ᠣᠷᠣᠵᠤ ᠢᠷᠡᠭᠰᠡᠨ᠃ ᠬᠦᠬᠡᠬᠤᠲᠠ ᠶᠢᠨ ᠣᠷᠴᠢᠨ ᠲᠣᠭᠤᠷᠢᠨ ᠳᠤ | ᠮᠠᠰᠢ ᠠᠷᠪᠢᠨ ᠬᠢᠲᠠᠳ ᠢᠷᠭᠡᠨ ᠢᠷᠡᠭᠡᠳ ᠲᠠᠷᠢᠶᠠᠯᠠᠩ ᠰᠤᠶᠤᠯ ᠳᠡᠯᠭᠡᠷᠡᠨ ᠮᠠᠰᠢ ᠠᠷᠪᠢᠨ ᠭᠡᠷ ᠪᠠᠶᠢᠰᠢᠩ | ᠪᠠᠶᠢᠭᠤᠯᠵᠠᠢ᠃ ᠮᠠᠨ ᠤ ᠮᠡᠳᠡᠬᠦ ᠪᠠᠷ ᠮᠠᠬᠤᠸᠠᠷ ᠪᠠᠨ ︵ᠮᠠᠶᠢᠬᠠᠨ ᠪᠠᠶᠢᠰᠢᠩ︶᠂ ᠶᠢᠤ ᠶᠢᠤ ᠪᠠᠨ᠂ ᠭᠦᠨᠵᠢ ᠶᠢᠨ | ᠪᠠᠶᠢᠰᠢᠩ᠂ ᠬᠠᠮᠠᠷ ᠪᠠᠶᠢᠰᠢᠩ ᠭᠡᠬᠦ ᠮᠡᠳᠦ ᠶᠢᠨ ᠡᠶᠢᠮᠦᠷᠬᠦᠦ ᠪᠠᠶᠢᠰᠢᠩ ᠨᠡᠷᠡ ᠲᠠᠢ ᠭᠠᠵᠠᠷ ᠣᠳᠤ ᠲᠦᠷᠪᠡᠨ ᠵᠠᠭᠤ | ᠭᠠᠷᠤᠢ ᠪᠠᠶᠢᠭᠠ ᠭᠡᠨᠡ᠃ ᠡᠨᠡ ᠪᠠᠶᠢᠰᠢᠩ ᠢ ᠬᠡᠨ ᠪᠠᠶᠢᠭᠤᠯᠤᠭᠰᠠᠨ ᠪᠣᠢ︖ ᠠᠯᠲᠠᠨ ᠬᠠᠨ ᠤ ᠦᠶᠡ ᠳᠤ | ᠲᠦᠮᠡᠳ ᠤᠨ ᠲᠠᠯᠠ ᠳᠡᠭᠡᠷᠡ ᠮᠠᠰᠢ ᠠᠷᠪᠢᠨ ᠪᠠᠶᠢᠰᠢᠩ ᠭᠡᠷ ᠢ ᠴᠠᠭᠠᠴᠢᠨ ᠬᠢᠳᠡᠳ ᠢᠷᠭᠡᠳ ᠪᠠᠶᠢᠭᠤᠯᠵᠠᠢ᠃ | ᠲᠤᠬᠠᠢ ᠶᠢᠨ ᠦᠶᠡ ᠳᠤ ᠮᠤᠩᠭᠤᠯᠴᠤᠳ ᠮᠤᠩᠭᠤᠯ ᠭᠡᠷ ᠲᠤ ᠰᠠᠭᠤᠵᠤ ᠪᠠᠶᠢᠭᠰᠠᠨ᠂ ᠡᠶᠢᠮᠦ ᠰᠢᠷᠤᠢ ᠪᠠᠷ ᠪᠠᠷᠢᠭᠰᠠᠨ | ᠬᠠᠴᠢᠨ ᠶᠠᠭᠤᠮᠠ ᠶᠢ ᠦᠵᠡᠭᠡᠳ ᠰᠣᠨᠢᠷᠬᠠᠨᠠ ᠰᠢᠳᠡ᠃ ᠢᠩᠭᠢᠭᠡᠳ ᠮᠤᠩᠭᠤᠯᠴᠤᠳ ᠲᠡᠳᠡᠨ ᠠᠴᠠ ᠡᠨᠡ ᠣᠳᠤ | ᠶᠠᠭᠤ ᠪᠤᠢ︖ ᠲᠠ ᠨᠠᠷ ᠴᠢᠨᠢ ᠶᠠᠭᠤᠨ ᠤ ᠬᠦᠮᠦᠨ ᠪᠤᠢ︖ ᠭᠡᠵᠦ ᠠᠰᠠᠭᠤᠪᠠᠯ ᠬᠢᠲᠠᠳ ᠤᠳ ᠬᠠᠷᠢᠭᠤ ᠳᠤᠨᠢ | ᠪᠢᠳᠡ ᠪᠣᠯ ᠯᠤᠤ ᠪᠠᠶᠢᠰᠢᠩ ︵老百姓︶ ᠪᠠᠶᠢᠨᠠ ᠭᠡᠳᠡᠭ ᠶᠤᠮ ᠪᠠᠶᠢᠨᠠ᠃ ᠲᠡᠭᠡᠬᠦᠯᠡᠷ ᠮᠤᠩᠭᠤᠯᠴᠤᠳ᠂ | ᠣᠤ᠂ ᠲᠡᠭᠡᠪᠡᠯ ᠡᠨᠡ ᠴᠢᠨᠢ ᠪᠠᠶᠢᠰᠢᠩ ᠭᠡᠵᠦ ᠤᠶᠢᠯᠠᠭᠠᠵᠤ ᠪᠠᠶᠢᠰᠢᠩ ᠭᠡᠳᠡᠭ ᠨᠡᠷᠡ ᠢᠩᠭᠢᠵᠦ ᠢᠷᠡᠭᠰᠡᠨ ᠭᠡᠳᠡᠭ᠃ | ᠲᠠᠪᠤᠳᠤᠭᠠᠷ ᠲᠤ᠂ ᠮᠢᠩ ᠤᠯᠤᠰ ᠤᠨ ᠴᠠᠭᠠᠨ ᠬᠡᠷᠡᠮ ᠨᠢ ᠠᠯᠲᠠᠨ ᠬᠠᠨ ᠲᠠᠢ ᠬᠤᠯᠪᠣᠭᠳᠠᠯ ᠲᠠᠢ᠃ ᠠᠮᠧᠷᠢᠺᠡ ᠶᠢᠨ | ᠰᠠᠨᠰᠠᠷ ᠤᠨ ᠨᠢᠰᠦᠭᠴᠢ ᠰᠠᠨᠰᠠᠷ ᠳᠡᠭᠡᠷᠡ ᠭᠠᠷᠤᠭᠠᠳ ᠳᠡᠯᠡᠭᠡᠢ ᠶᠢᠨ ᠪᠦᠮᠪᠦᠷᠴᠡᠭ ᠢ ᠠᠵᠢᠭᠯᠠᠬᠤ ᠳᠤ ᠬᠦᠮᠦᠨ ᠤ | ᠭᠠᠷ ᠢᠶᠠᠷ ᠪᠦᠳᠦᠭᠡᠭᠰᠡᠨ ᠶᠠᠭᠤᠮᠠ ᠭᠠᠭᠴᠠᠬᠠᠨ ᠯᠠ ᠬᠠᠷᠠᠭᠳᠠᠳᠠᠭ ᠶᠤᠮ ᠭᠡᠨᠡ᠂ ᠡᠨᠡ ᠨᠢ ᠶᠠᠭᠤ ᠶᠤᠮ ᠪᠤᠢ︖ | ᠭᠡᠪᠡᠯ ᠮᠢᠩ ᠤᠯᠤᠰ ᠤᠨ ᠴᠠᠭᠠᠨ ᠬᠡᠷᠡᠮ ᠶᠤᠮ ᠭᠡᠨᠡ᠃ ᠡᠷᠲᠡ ᠦᠶᠡ ᠳᠡᠭᠡᠨ ᠪᠠᠶᠢᠯᠳᠤᠭᠠᠨᠲᠤ ᠤᠯᠤᠰ ᠤᠨ ᠴᠠᠭᠠᠨ | ᠬᠡᠷᠡᠮ ᠭᠡᠵᠦ ᠪᠠᠶᠢᠭᠰᠠᠨ᠂ ᠭᠡᠪᠡᠴᠦ ᠦᠨᠦᠳᠦᠷ ᠪᠣᠯᠬᠤ ᠳᠤ ᠪᠠᠶᠢᠯᠳᠤᠭᠠᠨᠲᠤ ᠤᠯᠤᠰ ᠤᠨ ᠴᠠᠭᠠᠨ ᠬᠡᠷᠡᠮ ᠤᠨ | ᠣᠯᠠᠩᠬᠢ ᠨᠢ ᠨᠤᠷᠠᠵᠤ ᠡᠪᠳᠡᠷᠡᠭᠡᠳ ᠪᠠᠶᠢᠬᠤ ᠦᠭᠡᠢ ᠪᠣᠯᠵᠠᠢ᠃ ᠣᠳᠤ ᠦᠯᠡᠳᠡᠵᠦ ᠪᠠᠶᠢᠭᠠ ᠨᠢ ᠪᠣᠯ ᠮᠢᠩ | ᠤᠯᠤᠰ ᠤᠨ ᠴᠠᠭᠠᠨ ᠬᠡᠷᠡᠮ᠃ ᠲᠡᠭᠡᠪᠡᠯ ᠮᠢᠩ ᠤᠯᠤᠰ ᠤᠨ ᠴᠠᠭᠠᠨ ᠬᠡᠷᠡᠮ ᠢ ᠬᠡᠨ ᠪᠠᠶᠢᠭᠤᠯᠤᠭᠰᠠᠨ ᠪᠣᠢ︖ | ᠶᠠᠷᠢᠶᠠᠨ ᠦᠭᠡᠢ ᠬᠢᠲᠠᠳ ᠬᠦᠮᠦᠨ ᠪᠠᠶᠢᠭᠤᠯᠤᠭᠰᠠᠨ᠃ ᠬᠢᠲᠠᠳ ᠤᠳ ᠶᠠᠭᠠᠬᠢᠭᠠᠳ ᠡᠨᠡ ᠬᠡᠷᠡᠮ ᠢ ᠪᠠᠶᠢᠭᠤᠯᠤᠭᠰᠠᠨ | ᠪᠤᠢ ᠭᠡᠪᠡᠯ᠂ ᠶᠠᠷᠢᠶᠠᠨ ᠦᠭᠡᠢ ᠮᠤᠩᠭᠤᠯᠴᠤᠳ ᠢ ᠰᠡᠷᠭᠡᠶᠢᠯᠡᠬᠦ ᠶᠢᠨ ᠲᠦᠯᠦᠭᠡ᠃ ᠲᠡᠷᠡ ᠦᠶᠡ ᠳᠤ ᠮᠤᠩᠭᠤᠯᠴᠤᠳ | ᠳᠠᠩᠳᠠ ᠴᠠᠭᠠᠨ ᠬᠡᠷᠡᠮ ᠠᠴᠠ ᠡᠮᠦᠨᠡᠰᠢ ᠣᠷᠣᠵᠤ ᠬᠢᠲᠠᠳ ᠭᠠᠵᠠᠷ ᠢ ᠪᠤᠯᠢᠶᠠᠨ ᠳᠡᠭᠡᠷᠡᠮᠳᠡᠳᠡᠭ ᠪᠠᠶᠢᠭᠰᠠᠨ ᠤ | ᠳᠣᠲᠣᠷᠠ ᠬᠠᠮᠤᠭ ᠠᠴᠠ ᠭᠡᠴᠡᠭᠦᠣ ᠳᠣᠪᠳᠣᠯᠵᠤ ᠪᠠᠶᠢᠭᠰᠠᠨ ᠨᠢ ᠠᠯᠲᠠᠨ ᠬᠠᠨ᠃ ᠡᠶᠢᠮᠦ ᠤᠴᠢᠷ ᠠᠴᠠ ᠴᠠᠭᠠᠨ | ᠬᠡᠷᠡᠮ ᠪᠠᠰᠠ ᠠᠯᠲᠠᠨ ᠬᠠᠭᠠᠨ ᠲᠠᠢ ᠶᠡᠭᠡ ᠬᠤᠯᠪᠣᠭᠳᠠᠯ ᠲᠠᠢ ᠭᠡᠵᠦ ᠬᠡᠯᠡᠵᠦ ᠪᠣᠯᠣᠨᠠ᠃ ᠬᠤᠶᠠᠷ᠂ ᠠᠯᠲᠠᠨ ᠬᠠᠨ ᠤ | ︽ᠫᠠᠰᠫᠤᠷᠲ︾ ᠠᠯᠲᠠᠨ ᠬᠠᠨ ᠢ ᠤᠯᠠᠮ ᠨᠢᠭᠡ ᠠᠯᠬᠤᠮ ᠲᠠᠨᠢᠭᠤᠯᠬᠤ ᠶᠢᠨ ᠲᠦᠯᠦᠭᠡ ᠬᠠᠮᠤᠭ ᠤᠨ ᠪᠠᠭᠴᠠᠬᠠᠨ | ᠬᠡᠳᠦᠨ ᠦᠭᠡ ᠪᠠᠷ ᠶᠠᠭ ᠣᠳᠤ ᠶᠢᠨ ᠬᠤᠪᠢ ᠬᠦᠮᠦᠨ ᠤ ᠫᠠᠰᠫᠤᠷᠲ ᠤᠨ ᠶᠣᠰᠤᠭᠠᠷ ᠲᠡᠤᠬᠡᠨ ᠭᠠᠷᠤᠯ ᠢ ᠨᠢ ᠢᠩᠭᠢᠵᠦ | ᠬᠤᠷᠢᠶᠠᠩᠭᠤᠶᠢᠯᠠᠵᠤ ᠪᠣᠯᠣᠨᠠ᠃ 1. ᠨᠡᠷᠡ᠂ ᠠᠯᠲᠠᠨ᠂ ᠡᠷᠭᠦᠮᠵᠢᠯᠡᠭᠰᠡᠨ ᠨᠡᠷᠡ ᠲᠦᠰᠢᠶᠡᠳᠦ ᠠᠯᠲᠠᠨ ᠬᠠᠨ᠂ | ᠠᠯᠲᠠᠨ ᠬᠠᠨ᠂ ᠠᠯᠲᠠᠨ ᠭᠡᠭᠡᠨ ᠬᠠᠨ᠂ ᠰᠢᠳᠦ ᠬᠠᠨ᠂ ᠰᠤᠤᠲᠦ ᠬᠠᠨ᠂ ᠴᠠᠭ ᠤᠨ ᠬᠦᠷᠳᠦᠨ ᠢ ᠡᠷᠭᠢᠬᠦᠯᠦᠭᠴᠢ | ᠴᠡᠭᠷᠡᠸᠡᠷᠳᠢ ᠠᠯᠲᠠᠨ ᠬᠠᠨ᠂ ᠮᠢᠩᠭᠠᠨ ᠠᠯᠲᠠᠨ ᠬᠦᠷᠳᠦᠨ ᠢ ᠡᠷᠭᠢᠬᠦᠯᠦᠭᠴᠢ ᠴᠡᠭᠷᠡᠸᠡᠷᠳᠢ ᠠᠯᠲᠠᠨ ᠬᠠᠨ ᠭᠡᠬᠦ | ᠮᠡᠳᠦ ᠶᠢᠨ ᠠᠷᠪᠢᠨ ᠴᠤᠯᠠ ᠲᠠᠢ ᠪᠠᠷ ᠪᠠᠷᠠᠬᠤ ᠦᠭᠡᠢ ᠬᠢᠲᠠᠳ ᠤᠨ ᠲᠠᠯᠠ ᠠᠴᠠ ᠲᠡᠭᠦᠨ ᠳᠤ ᠪᠠᠰᠠ ᠱᠦᠨ ᠢ ᠸᠠᠩ | ︵顺义王︶ ᠭᠡᠰᠡᠨ ᠨᠡᠷᠡ ᠦᠭᠬᠦᠭᠰᠡᠨ ᠪᠠᠶᠢᠳᠠᠭ᠃ ᠬᠢᠲᠠᠳ᠂ ᠮᠤᠩᠭᠤᠯ᠂ ᠲᠦᠪᠡᠳ᠂ ᠳᠡᠯᠡᠬᠡᠢ ᠶᠢᠨ ᠡᠯᠡ | ᠭᠠᠵᠠᠷ ᠤᠨ ᠰᠣᠨᠢᠷᠬᠠᠯ ᠢ ᠶᠡᠭᠡ ᠲᠠᠳᠠᠵᠦ ᠪᠠᠶᠢᠭᠰᠠᠨ ᠬᠦᠮᠦᠨ ᠪᠠᠶᠢᠵᠠᠢ᠃ 2. ᠣᠪᠤᠭ᠂ ᠬᠡᠯᠡᠯᠭᠡᠨ ᠦᠭᠡᠢ ᠬᠢᠶᠠᠨ | ᠪᠣᠷᠵᠢᠭᠢᠨ ᠣᠪᠤᠭᠳᠠᠨ᠂ ᠴᠢᠩᠭᠢᠰ ᠬᠠᠭᠠᠨ ᠤ 17 ᠳ᠋ᠤᠭᠠᠷ ᠦᠶᠡ ᠶᠢᠨ ᠠᠬᠤᠯ ᠠᠴᠢ᠃ 3. ᠬᠦᠢᠰᠦ᠂ ᠡᠷᠡᠭᠲᠡᠢ᠃ | 4. ᠦᠨᠳᠦᠰᠦᠳᠡᠨ᠂ ᠮᠤᠩᠭᠤᠯ ᠦᠨᠳᠦᠰᠦᠳᠡᠨ᠃ 5. ᠨᠠᠰᠤ᠂ 1507 ᠣᠨ ᠳᠤ ᠲᠦᠷᠦᠵᠦ᠂ 1582 ᠣᠨ ᠳᠤ | ᠨᠠᠰᠤ ᠪᠠᠷᠠᠭᠰᠠᠨ᠂ ᠳᠠᠯᠠᠨ ᠲᠠᠪᠤᠨ ᠨᠠᠰᠤᠯᠠᠭᠰᠠᠨ᠃ ᠭᠡᠪᠡᠴᠦ ᠵᠠᠷᠢᠮ ᠡᠷᠳᠡᠮᠳᠡᠳ 1508 ᠣᠨ ᠳᠤ ᠮᠡᠨᠳᠦᠯᠡᠭᠰᠡᠨ | ᠭᠡᠵᠦ ᠦᠵᠡᠵᠦ ᠪᠠᠶᠢᠨᠠ᠃ 6. ᠲᠦᠷᠦᠭᠰᠡᠨ ᠨᠤᠲᠤᠭ᠂ ᠠᠯᠲᠠᠨ ᠬᠠᠨ ᠤ ᠤᠤᠭᠤᠭᠰᠠᠨ ᠤᠰᠤ ᠤᠨᠠᠭᠰᠠᠨ ᠰᠢᠷᠦᠢ | ᠪᠣᠯ ᠦᠨᠦᠲᠦᠷ ᠤᠨ ᠴᠠᠬᠠᠷ ᠤᠨ ᠬᠦᠬᠡ ᠳᠡᠷᠡᠰᠦ ᠭᠡᠰᠡᠨ ᠭᠠᠵᠠᠷ ᠪᠣᠯᠣᠨᠠ᠃ 7. ᠲᠤᠬᠠᠶᠢᠯᠠᠭᠰᠠᠨ ᠠᠵᠢᠯ᠂ ᠬᠠᠨ᠂ | ᠳᠠᠷᠤᠢ ᠮᠤᠩᠭᠤᠯ ᠤᠨ ᠪᠠᠷᠠᠭᠤᠨ ᠭᠤᠷᠪᠠᠨ ᠲᠦᠮᠡᠨ ᠤ ᠠᠷᠪᠠᠨ ᠬᠤᠶᠠᠷ ᠣᠲᠤᠭ ᠲᠦᠮᠡᠳ ᠤᠨ ᠬᠠᠨ᠃ | ᠮᠤᠩᠭᠤᠯᠴᠤᠳ ᠪᠣᠯᠣᠨ ᠬᠢᠲᠠᠳ ᠤᠳ ᠲᠤ ᠬᠠᠭᠠᠨ ᠪᠠ ᠬᠠᠨ ᠤ ᠲᠤᠬᠠᠢ ᠲᠤᠰᠬᠠᠢ ᠬᠡᠯᠡᠯᠭᠡ ᠪᠠᠶᠢᠳᠠᠭ᠂ ᠮᠠᠨ ᠤ | ᠮᠤᠩᠭᠤᠯᠴᠤᠳ ᠤᠨ ᠶᠠᠷᠢᠳᠠᠭ ᠬᠠᠭᠠᠨ ᠭᠡᠳᠡᠭ ᠪᠣᠯ ᠴᠢᠩᠭᠢᠰ ᠬᠠᠭᠠᠨ ᠠᠴᠠ ᠯᠢᠭᠳᠡᠨ ᠬᠤᠳᠤᠭᠳᠤ ᠬᠠᠭᠠᠨ | ᠬᠦᠷᠲᠡᠯᠡᠬᠢ ︵1206 — 1634 ᠬᠦᠷᠳᠡᠯᠠ︶ ᠮᠠᠨ ᠤ ᠮᠤᠩᠭᠤᠯ ᠤᠨ 36 ᠲᠣᠮᠣ ᠬᠠᠭᠠᠨ ᠢ ᠬᠡᠯᠡᠵᠦ ᠪᠣᠢ᠃ | ᠲᠡᠭᠡᠪᠡᠯ ᠠᠯᠲᠠᠨ᠂ ᠬᠠᠭᠠᠨ ᠮᠦᠨ ᠤᠤ ᠪᠢᠰᠢ ᠤᠤ︖ ᠲᠡᠷᠡ ᠪᠣᠯ ᠵᠦᠪᠬᠡᠨ ᠬᠠᠨ᠂ ᠬᠠᠨ ᠨᠢ ᠬᠠᠮᠢᠭᠠᠬᠢ ᠶᠢᠨ | ᠬᠠᠨ ᠪᠣᠢ︖ ᠠᠯᠲᠠᠨ ᠬᠠᠨ ᠪᠣᠯ 12 ᠣᠲᠤᠭ ᠲᠦᠮᠡᠳ ᠤᠨ ᠬᠠᠨ᠂ ᠦᠭᠡᠷᠡ ᠪᠠᠷ ᠬᠡᠯᠡᠪᠡᠯ ᠦᠨᠦᠳᠦᠷ ᠤᠨ | ᠬᠦᠬᠡᠬᠤᠳᠠ ᠶᠢᠨ ᠣᠷᠴᠢᠮ᠂ ᠲᠦᠮᠡᠳ ᠵᠡᠬᠦᠨ ᠬᠤᠰᠢᠭᠤ᠂ ᠲᠦᠮᠡᠳ ᠪᠠᠷᠠᠭᠤᠨ ᠬᠤᠰᠢᠭᠤ᠂ ᠣᠳᠤ ᠶᠢᠨ ᠪᠢᠳᠡᠨ ᠤ | ᠤᠬᠠᠭᠳᠠᠬᠤᠨ ᠳᠣᠲᠣᠷᠠᠬᠢ ᠡᠨᠡ ᠨᠢᠭᠡ ᠭᠡᠰᠡᠭ ᠭᠠᠵᠠᠷ ᠤᠨ ᠬᠠᠨ᠂ ᠭᠡᠪᠡᠴᠦ ᠲᠤᠬᠠᠢ ᠶᠢᠨ ᠦᠶᠡ ᠶᠢᠨ ᠲᠦᠮᠡᠳ | ᠭᠡᠳᠡᠭ ᠪᠣᠯ ᠡᠶᠢᠮᠦ ᠵᠢᠭᠠᠬᠠᠨ ᠭᠠᠵᠠᠷ ᠪᠢᠰᠢ᠂ ᠲᠡᠭᠦᠨ ᠤ ᠨᠤᠲᠤᠭ ᠳᠡᠪᠢᠰᠭᠡᠷ ᠡᠮᠦᠨᠡᠰᠢ ᠪᠠᠨ ᠴᠠᠭᠠᠨ ᠬᠡᠷᠡᠮ | ᠬᠤᠶᠢᠰᠢ ᠪᠠᠨ ᠪᠣᠯ ᠮᠤᠩᠭᠤᠯ ᠤᠯᠤᠰ ᠤᠨ ᠬᠠᠩᠭᠠᠢ ᠨᠢᠷᠤᠭᠤ᠂ ᠵᠡᠭᠦᠨᠰᠢ ᠪᠠᠨ ᠯᠢᠶᠤᠤᠳᠦ᠋ᠩ ᠬᠦᠷᠴᠦ᠂ | ᠪᠠᠷᠠᠭᠤᠨᠰᠢ ᠪᠠᠨ ᠪᠣᠯ ᠲᠦᠪ ᠠᠽᠢᠶᠠ᠂ ᠬᠦᠬᠡᠨᠠᠭᠤᠷ ᠲᠦᠪᠡᠳ ᠤᠨ ᠦᠨᠳᠦᠷᠯᠢᠭ ᠬᠦᠷᠴᠦ ᠪᠠᠶᠢᠭᠰᠠᠨ᠂ ᠡᠶᠢᠮᠦᠷᠭᠦᠣ | ᠲᠣᠮᠣ ᠭᠠᠵᠠᠷ ᠣᠷᠣᠨ ᠢ ᠡᠷᠬᠡᠰᠢᠶᠡᠵᠦ ᠪᠠᠶᠢᠭᠰᠠᠨ ᠬᠠᠨ ᠪᠣᠯᠣᠨᠠ᠃ 8. ᠳᠤᠷᠠ ᠰᠣᠨᠢᠷᠬᠠᠯ᠂ ᠤᠯᠤᠰ ᠲᠦᠷᠦ᠂ | ᠰᠡᠭᠦᠯ ᠤᠨ ᠦᠶᠡ ᠳᠤ ᠰᠢᠷᠠ ᠶᠢᠨ ᠱᠠᠰᠢᠨ ᠳᠤ ᠮᠠᠰᠢ ᠶᠡᠭᠡ ᠰᠣᠨᠢᠷᠬᠠᠯ ᠲᠠᠢ ᠪᠣᠯᠣᠭᠰᠠᠨ᠃ 9. ᠨᠡᠶᠢᠭᠡᠮ ᠤᠨ | ᠬᠠᠷᠢᠴᠠᠭᠠ᠂ ᠲᠡᠭᠦᠨ ᠤ ᠡᠷᠦᠭᠡ ᠠᠮᠠ ᠶᠢᠨ ᠳᠠᠩᠰᠠ ᠶᠢ ᠳᠡᠯᠭᠡᠨ ᠦᠵᠡᠪᠡᠯ ᠠᠯᠲᠠᠨ ᠬᠠᠨ ᠶᠠᠮᠠᠷ ᠬᠦᠮᠦᠨ ᠭᠡᠰᠡᠨ ᠢ | ᠪᠦᠷ ᠮᠡᠳᠡᠴᠢᠬᠡᠨᠡ᠃ ᠲᠡᠭᠦᠨ ᠤ ᠡᠪᠦᠭᠡ ᠡᠴᠢᠭᠡ ᠨᠢ ᠪᠣᠯ ᠪᠠᠲᠤᠮᠦ᠋ᠩᠬᠡ ᠳᠠᠶᠠᠨ ᠬᠠᠭᠠᠨ᠂ ᠡᠮᠡᠭᠡ ᠡᠵᠢ ᠨᠢ | ᠮᠠᠨᠳᠤᠬᠠᠢ ᠰᠡᠴᠡᠨ ᠬᠠᠲᠤᠨ᠂ ᠦᠪᠡᠷ ᠤᠨ ᠡᠴᠢᠭᠡ ᠨᠢ ᠪᠣᠯ ᠪᠠᠷᠰᠪᠣᠯᠣᠳ ᠵᠢᠨᠤᠩ᠂ ᠠᠪᠠᠭᠠᠢ ᠨᠢ ᠪᠣᠯ ᠰᠠᠨ | ᠨᠢᠶᠠᠩᠽᠢ ︵ᠵᠦᠩᠭᠡᠨ ᠬᠠᠳᠤᠨ︶᠂ ᠨᠢᠭᠡ ᠠᠴᠢ ᠬᠦᠤ ᠨᠢ ᠪᠣᠯ ᠲᠦᠷᠪᠡᠳᠦᠭᠡᠷ ᠳᠦᠷᠢ ᠶᠢᠨ ᠳᠠᠯᠠᠢ ᠯᠠᠮᠠ᠂ ᠪᠠᠰᠠ | ᠨᠢᠭᠡ ᠠᠴᠢ ᠬᠦᠤ ᠨᠢ ᠪᠣᠯ ᠬᠤᠳᠤᠭᠳᠠᠢ ᠰᠠᠴᠡᠨ ᠬᠤᠩ ᠲᠠᠶᠢᠵᠢ᠂ ᠦᠪᠡᠷ ᠤᠨ ᠬᠦᠤ ᠨᠢ ᠪᠣᠯ ᠲᠦᠭᠦᠷᠡᠩᠲᠡᠮᠦᠷ | ᠬᠤᠩ ᠲᠠᠶᠢᠵᠢ᠃ ᠠᠯᠲᠠᠨ ᠬᠠᠨ ᠠᠬᠠ ᠲᠡᠭᠦᠤ ᠳᠣᠯᠣᠭᠤᠯᠠ ᠪᠠᠶᠢᠵᠤ᠂ ᠲᠡᠭᠦᠨ ᠤ ᠡᠬᠡ 1807 ᠣᠨ ᠤ 12 | ᠰᠠᠷᠠ ᠶᠢᠨ 30 ᠤ ᠡᠳᠦᠷ ᠨᠢᠭᠡ ᠬᠦᠪᠡᠭᠦᠨ ᠨᠢᠭᠡ ᠦᠬᠢᠨ ᠢ ᠢᠬᠡᠷᠡ ᠲᠦᠷᠦᠭᠰᠡᠨ ᠢᠶᠠᠨ ︽ᠡᠩᠬᠡ ᠠᠮᠤᠭᠤᠯᠠᠩ | ᠲᠦᠷᠦ ᠶᠣᠰᠤᠨ ᠢ ᠪᠠᠷᠢᠳᠤᠭᠠᠢ︾ ᠭᠡᠮᠡᠨ ᠵᠦᠩᠨᠡᠵᠦ᠂ ᠦᠬᠢᠨ ᠢ ᠪᠠᠨ ᠡᠷᠳᠡᠨᠢ ᠮᠦᠩᠭᠦᠨ ᠭᠡᠵᠦ᠂ ᠬᠦᠪᠡᠭᠦᠨ | ᠦᠷᠡ ᠪᠠᠨ ᠡᠷᠳᠡᠨᠢ ᠠᠯᠲᠠᠨ ᠭᠡᠮᠡᠨ ᠨᠡᠷᠡᠶᠢᠳᠦᠭᠰᠡᠨ ᠪᠠᠶᠢᠨᠠ᠃ ᠠᠯᠲᠠᠨ ᠬᠠᠨ ᠢ ᠭᠤᠷᠪᠠᠨ ᠨᠠᠰᠤᠲᠠᠢ ᠳᠤᠨᠢ ︽ | ᠣᠷᠳᠤᠰ ᠤᠨ ᠤᠷᠪᠠᠯᠭᠠᠨ︾ ᠭᠠᠷᠴᠤ᠂ ᠲᠡᠭᠦᠨ ᠤ ᠡᠴᠢᠭᠡ ᠪᠠᠷᠰᠪᠣᠯᠣᠳ ᠠᠶᠤᠨ ᠰᠦᠷᠲᠡᠵᠦ᠂ ᠦᠪᠡᠷ ᠤᠨ ᠡᠴᠢᠭᠡ | ᠳᠠᠶᠠᠨ ᠤ ᠪᠠᠨ ᠳᠡᠷᠭᠡᠳᠡ ᠳᠤᠲᠠᠭᠠᠵᠤ ᠣᠴᠢᠭᠠᠳ᠂ ᠨᠢᠯᠬᠠ ᠪᠠᠭᠠ ᠠᠯᠲᠠᠨ ᠢ ᠪᠤᠰᠤᠳ ᠲᠤ ᠦᠭᠴᠦ ᠠᠰᠠᠷᠠᠭᠤᠯᠪᠠ | ᠃ ᠬᠤᠵᠢᠮ ᠨᠢ 1510 ᠣᠨ ᠳᠤ ᠠᠯᠲᠠᠨ ᠢ ᠡᠪᠦᠭᠡ ᠳᠠᠶᠠᠨ ᠬᠠᠭᠠᠨ ᠳᠤᠨᠢ ᠬᠦᠷᠭᠡᠵᠦ ᠦᠭᠭᠦᠭᠰᠡᠨ ᠪᠠᠶᠢᠨᠠ᠃ | ᠲᠡᠷᠡ ᠬᠠᠷᠠᠬᠠᠨ ᠪᠠᠭᠠ ᠠᠴᠠ ᠪᠠᠨ ᠠᠬᠠ ᠬᠦᠨᠪᠢᠯᠢᠭ ᠢᠶᠠᠨ ᠳᠠᠭᠠᠵᠤ᠂ ᠲᠦᠷᠦ ᠶᠢᠨ ᠦᠢᠯᠡ ᠳᠤ ᠣᠷᠣᠯᠴᠠᠵᠤ | ᠪᠠᠶᠢᠯᠠ᠃ 1528 ᠣᠨ ᠳᠤ ᠡᠴᠢᠭᠡ ᠪᠠᠷᠰᠪᠣᠯᠣᠳ ᠨᠢ ᠨᠠᠰᠤ ᠪᠠᠷᠠᠵᠦ᠂ ᠠᠯᠲᠠᠨ ᠲᠦᠮᠡᠳ ᠲᠦᠮᠡᠨ ᠤ ᠴᠡᠷᠢᠭ | ᠵᠠᠰᠠᠭ ᠤᠨ ᠶᠡᠭᠡ ᠡᠷᠬᠡ ᠶᠢ ᠪᠠᠷᠢᠵᠦ᠂ 1542 ᠣᠨ ᠳᠤ ᠠᠬᠠ ᠭᠦᠨᠪᠢᠯᠢᠭ ᠨᠢ ᠴᠤ ᠨᠠᠰᠤ ᠪᠠᠷᠠᠭᠰᠠᠨ ᠠᠴᠠ | ᠬᠤᠶᠢᠰᠢ ᠪᠠᠷᠠᠭᠤᠨ ᠭᠤᠷᠪᠠᠨ ᠲᠦᠮᠡᠨ ᠤ ᠭᠤᠣᠯ ᠡᠷᠬᠡ ᠲᠡᠭᠦᠨ ᠤ ᠭᠠᠷ ᠲᠤ ᠣᠷᠣᠭᠰᠠᠨ ᠪᠠᠶᠢᠨᠠ᠃ ᠠᠯᠲᠠᠨ ᠬᠠᠨ | ᠪᠣᠯ ᠤᠮᠠᠷᠠᠲᠤ ᠶᠣᠸᠠᠨ ᠤ ᠳᠤᠮᠳᠠᠴᠢ ᠦᠶᠡ ᠳᠠᠬᠢ ᠨᠢᠭᠡ ᠵᠦᠭ ᠢ ᠡᠵᠡᠷᠭᠡᠭᠰᠡᠨ ᠣᠷᠣᠨ ᠨᠤᠲᠤᠭ ᠤᠨ ᠡᠷᠡᠮᠡᠬᠡᠢ | ᠡᠵᠡᠨ ᠶᠤᠮ᠃ ᠲᠡᠷᠡ ᠪᠠᠷᠠᠭᠤᠨ ᠭᠠᠷᠤᠨ 12 ᠲᠦᠮᠡᠳ ᠢ ᠵᠢᠷᠠᠭᠠᠳ ᠣᠨ ᠨᠣᠶᠠᠷᠬᠠᠵᠠᠢ᠃ ᠲᠡᠭᠦᠨ ᠤ ᠨᠢᠭᠡ | ᠨᠠᠰᠤᠨ ᠤ ᠦᠢᠯᠡ ᠠᠵᠢᠯᠯᠠᠭᠠ ᠨᠢ ᠳᠠᠶᠠᠨ ᠬᠠᠭᠠᠨ ᠠᠴᠠ ᠬᠤᠶᠢᠰᠢᠬᠢ ᠬᠡᠳᠦᠨ ᠦᠶᠡ ᠶᠢᠨ ᠬᠠᠭᠠᠳ ᠤᠨ | ᠲᠦᠷᠦ ᠲᠠᠢ ᠬᠤᠯᠪᠤᠭᠳᠠᠳᠠᠭ᠃ ᠠᠯᠲᠠᠨ ᠬᠠᠨ ᠪᠣᠯ ᠮᠠᠨ ᠤ ᠮᠣᠩᠭᠤᠯ ᠤᠨ ᠲᠡᠤᠬᠡᠨ ᠳᠡᠭᠡᠷᠡ ᠲᠤᠩ ᠶᠡᠭᠡ ᠨᠡᠷᠡ | ᠴᠤᠯᠠ ᠲᠠᠢ᠂ ᠳᠡᠯᠡᠬᠡᠢ ᠶᠢᠨ ᠲᠡᠤᠬᠡᠨ ᠳᠤ᠂ ᠲᠤᠮᠳᠠᠳᠤ ᠤᠯᠤᠰ ᠤᠨ ᠲᠡᠤᠭᠡᠨ ᠳᠤ ᠪᠦᠷ ᠲᠤᠩ ᠶᠡᠭᠡ ᠨᠦᠯᠦᠭᠡ ᠲᠠᠢ | ᠬᠦᠮᠦᠨ ᠪᠣᠯᠣᠨᠠ᠃ | | |