| ᠠᠯᠲᠠᠨ ᠬᠠᠨ ᠨᠠᠰᠤ ᠪᠠᠷᠠᠭᠰᠠᠨ ᠤ ᠳᠠᠷᠠᠭᠠ ᠵᠦᠩᠭᠡᠨ ᠬᠠᠲᠤᠨ ᠭᠤᠴᠢᠨ ᠵᠢᠯ ᠲᠦᠷᠦ ᠪᠠᠷᠢᠭᠰᠠᠨ | ᠬᠤᠭᠤᠴᠠᠭᠠᠨ ᠳᠠᠭᠠᠨ ᠮᠦᠨ ᠠᠯᠲᠠᠨ ᠬᠠᠨ ᠤ ᠲᠦᠷᠦ ᠶᠢᠨ ᠪᠣᠳᠣᠯᠭᠠ ᠶᠢ ᠦᠷᠬᠦᠯᠵᠢᠯᠡᠨ ᠬᠡᠷᠡᠭᠵᠢᠬᠦᠯᠵᠦ᠂ ᠮᠢᠩ | ᠤᠯᠤᠰ ᠲᠠᠢ ᠨᠠᠶᠢᠷᠠᠮᠳᠠᠨ ᠠᠯᠪᠠ ᠡᠷᠭᠦᠬᠦ᠂ ᠬᠤᠳᠠᠯᠳᠤᠭᠠ ᠬᠢᠬᠦ ᠶᠢ ᠬᠢᠴᠢᠶᠡᠩᠭᠦ᠋ᠢᠯᠡᠨ ᠪᠠᠷᠢᠮᠲᠠᠯᠠᠵᠤ᠂ ᠪᠤᠷᠬᠠᠨ | ᠱᠠᠰᠢᠨ ᠢ ᠳᠡᠯᠭᠡᠷᠡᠭᠦᠯᠬᠦ ᠵᠡᠷᠭᠡ ᠠᠵᠢᠯ ᠢ ᠦᠷᠭᠦᠯᠵᠢᠯᠡᠭᠦᠯᠵᠦ ᠪᠠᠶᠢᠵᠠᠢ᠃ ᠡᠶᠢᠮᠦ ᠠᠴᠠ ᠮᠢᠩ ᠤᠯᠤᠰ ᠤᠨ ᠵᠠᠰᠠᠭ ᠤᠨ | ᠭᠠᠵᠠᠷ ᠠᠴᠠ ᠲᠡᠭᠦᠨ ᠳᠤ ᠵᠦᠩ ᠱᠦᠨ ᠬᠠᠲᠤᠨ ︵ᠰᠢᠳᠤᠷᠭᠤ ᠡᠶᠡᠪᠡᠷᠬᠦᠦ ᠬᠠᠲᠤᠨ︶ ᠭᠡᠰᠡᠨ ᠡᠷᠬᠢᠮᠰᠦᠭ ᠴᠤᠯᠠ | ᠱᠠᠩᠨᠠᠵᠠᠢ᠃ ᠲᠦᠪᠡᠳ ᠤᠨ ᠳᠠᠯᠠᠢ ᠯᠠᠮᠠ ᠴᠦ ᠲᠦᠮᠡᠳ ᠲᠤ ᠢᠷᠡᠵᠦ᠂ ᠪᠤᠷᠬᠠᠨ ᠤ ᠱᠠᠰᠢᠨ ᠤᠯᠠᠮ ᠳᠡᠯᠭᠡᠷᠡᠨ | ᠬᠦᠭᠵᠢᠵᠦ ᠪᠠᠶᠢᠭᠰᠠᠨ᠃ ᠠᠯᠲᠠᠨ ᠬᠠᠨ ᠨᠠᠰᠤ ᠪᠠᠷᠠᠭᠰᠠᠨ ᠤ ᠰᠡᠭᠦᠯᠡᠷ ᠬᠤᠶᠢᠳᠤᠬᠢ ᠶᠠᠪᠤᠳᠠᠯ ᠢ ᠪᠦᠷ ᠵᠦᠩᠭᠡᠨ | ᠬᠠᠲᠤᠨ ᠭᠤᠣᠯᠲᠠᠨ ᠬᠢᠵᠦ ᠪᠠᠶᠢᠯᠠ ᠭᠡᠵᠦ ᠬᠢᠲᠠᠳ ᠰᠤᠳᠤᠷ ᠲᠤ ᠲᠡᠮᠳᠡᠭᠯᠡᠵᠦ ᠪᠠᠶᠢᠨᠠ᠃ ᠮᠢᠩ ᠤᠯᠤᠰ ᠲᠤ | ᠡᠯᠴᠢᠨ ᠲᠣᠮᠢᠯᠠᠵᠤ᠂ ᠠᠯᠪᠠᠨ ᠪᠢᠴᠢᠭ ᠶᠠᠪᠤᠭᠤᠯᠬᠤ ᠳᠤ ᠪᠦᠷ ᠵᠦᠩᠭᠡᠨ ᠬᠠᠲᠤᠨ ᠭᠠᠷᠳᠠᠨ ᠬᠢᠵᠦ ᠪᠠᠶᠢᠯᠠ ᠭᠡᠳᠡᠭ᠃ | ᠡᠨᠡ ᠨᠢ ᠵᠦᠩᠭᠡᠨ ᠬᠠᠲᠤᠨ ᠴᠢᠬᠤᠯᠠ ᠦᠢᠯᠡᠳᠦᠯ ᠦᠵᠡᠭᠦᠯᠵᠦ ᠪᠠᠶᠢᠭᠰᠠᠨ ᠭᠡᠳᠡᠭ ᠢ ᠬᠠᠷᠠᠭᠤᠯᠵᠤ ᠪᠤᠢ᠃ ᠠᠯᠲᠠᠨ | ᠬᠠᠨ ᠨᠠᠰᠤ ᠪᠠᠷᠠᠭᠰᠠᠨ ᠤ ᠳᠠᠷᠠᠭᠠ ᠵᠦᠩᠭᠡᠨ ᠬᠠᠲᠤᠨ ᠰᠡᠩᠭᠡ ᠳᠦᠭᠦᠷᠡᠩ ᠳᠤ ᠮᠣᠷᠳᠠᠭᠰᠠᠨ᠃ ᠢᠩᠭᠢᠭᠡᠳ | ᠵᠦᠩᠭᠡᠨ ᠬᠠᠲᠤᠨ ᠬᠤᠶᠠᠳᠤᠭᠠᠷ ᠦᠶᠡ ᠶᠢᠨ ᠱᠦᠨ ᠢ ᠸᠠᠩ ᠤᠨ ᠬᠠᠲᠤᠨ ᠪᠣᠯᠵᠠᠢ᠃ ᠵᠦᠩᠭᠡᠨ ᠬᠠᠲᠤᠨ ᠰᠡᠩᠭᠡ | ᠳᠦᠭᠦᠷᠡᠩ ᠲᠠᠢ ᠬᠤᠶᠠᠭᠤᠯᠠ ᠭᠤᠷᠪᠠᠳᠤᠭᠠᠷ ᠳᠦᠷᠢ ᠶᠢᠨ ᠳᠠᠯᠠᠢ ᠯᠠᠮᠠ ᠶᠢ ᠵᠠᠯᠠᠵᠤ ᠠᠯᠲᠠᠨ ᠬᠠᠨ ᠤ ᠬᠤᠶᠢᠳᠤᠬᠢ | ᠶᠠᠪᠤᠳᠠᠯ ᠢ ᠬᠢᠯᠭᠡᠬᠦ ᠪᠠᠷ ᠤᠷᠢᠭᠰᠠᠨ ᠳᠤ ᠳᠠᠯᠠᠢ ᠯᠠᠮᠠ 1586 ᠣᠨ ᠳᠤ ᠬᠦᠬᠡᠬᠤᠲᠠ ᠳᠤ ᠢᠷᠡᠭᠰᠡᠨ ᠪᠠᠶᠢᠨᠡ᠃ | 1587 ᠣᠨ ᠤ ᠦᠶᠡ ᠳᠤ ᠭᠤᠷᠪᠠᠳᠤᠭᠠᠷ ᠳᠦᠷᠢ ᠶᠢᠨ ᠳᠠᠯᠠᠢ ᠯᠠᠮᠠ ᠬᠠᠷᠠᠴᠢᠨ ᠲᠦᠮᠡᠨ ᠤ ᠲᠦᠷᠦᠭᠦᠦ ᠪᠠᠶᠠᠰᠬᠠᠯ | ᠬᠦᠨᠳᠡᠯᠡᠨ ᠬᠠᠭᠠᠨ ᠲᠠᠢ ᠪᠣᠯᠵᠤᠵᠤ᠂ ᠱᠠᠰᠢᠨ ᠳᠡᠯᠭᠡᠷᠡᠭᠦᠯᠬᠦ ᠪᠠᠷ ᠣᠴᠢᠵᠤ᠂ ᠳᠠᠷᠠᠭᠠ ᠵᠢᠯ ᠨᠢ ᠬᠠᠷᠠᠴᠢᠨ ᠤ | ᠵᠢᠭᠠᠰᠤᠲᠠᠢ ᠭᠡᠳᠡᠭ ᠭᠠᠵᠠᠷ ᠨᠢᠷᠸᠠᠨ ᠳᠦᠷᠢ ᠦᠵᠡᠭᠦᠯᠵᠡᠢ᠃ ᠭᠤᠷᠪᠠᠳᠤᠭᠠᠷ ᠳᠦᠷᠢ ᠶᠢᠨ ᠳᠠᠯᠠᠢ ᠯᠠᠮᠠ ᠶᠢᠨ ᠱᠠᠷᠢᠯ ᠢ | ᠬᠦᠷᠭᠡᠬᠦ ᠪᠠᠷ ᠵᠦᠩᠭᠡᠨ ᠬᠠᠲᠤᠨ ᠮᠠᠨᠤᠲᠠᠢ ᠴᠦᠷᠦᠭᠡ ᠰᠡᠴᠡᠨ ᠬᠠᠨ ᠲᠠᠢ ᠬᠤᠶᠠᠭᠤᠯᠠ ᠭᠦᠮᠪᠦᠮ ᠬᠦᠷᠦᠭᠡᠳ ᠪᠤᠴᠠᠵᠤ | ᠢᠷᠡᠵᠡᠢ᠃ ᠰᠡᠩᠭᠡ ᠳᠦᠭᠦᠷᠡᠩ ᠬᠤᠩ ᠲᠠᠶᠢᠵᠢ ᠬᠠᠨ ᠣᠷᠣ ᠵᠠᠯᠭᠠᠮᠵᠢᠯᠠᠭᠠᠳ᠂ ᠲᠦᠷᠪᠡᠳᠡᠬᠢ ᠵᠢᠯ ᠳᠡᠭᠡᠨ ᠨᠠᠰᠤ | ᠨᠦᠭᠴᠢᠭᠰᠡᠨ ᠳᠤ ᠲᠡᠭᠦᠨ ᠤ ᠬᠦᠦ ᠨᠠᠮᠤᠲᠠᠢ ᠴᠦᠷᠦᠭᠡ ᠡᠴᠢᠭᠡ ᠶᠢᠨ ᠢᠶᠠᠨ ᠴᠤᠯᠠ ᠶᠢ ᠵᠠᠯᠭᠠᠮᠵᠢᠯᠠᠨ ᠭᠤᠷᠪᠠᠳᠤᠭᠠᠷ | ᠦᠶᠡ ᠶᠢᠨ ᠱᠦᠨ ᠢ ᠸᠠᠩ ᠪᠣᠯᠵᠠᠢ᠃ ᠡᠨᠡ ᠦᠶᠡ ᠳᠤ ᠵᠦᠩᠭᠡᠨ ᠬᠠᠲᠤᠨ ᠨᠢᠭᠡᠨᠲᠠ ᠭᠤᠴᠢᠨ ᠳᠣᠯᠣᠭᠠᠨ ᠨᠠᠰᠤ | ᠬᠦᠷᠴᠦ᠂ ᠨᠠᠰᠤ ᠪᠡᠶᠠ ᠠᠭᠰᠢᠷᠠᠭᠰᠠᠨ ᠭᠡᠮᠡᠨ ᠲᠦᠮᠡᠨ ᠴᠡᠷᠢᠭ ᠪᠣᠯᠪᠠᠰᠤᠷᠠᠭᠤᠯᠤᠨ ᠠᠰ ᠲᠠᠭᠠᠨ ᠬᠤᠲᠠ ᠴᠣᠭᠴᠠᠯᠠᠨ | ᠰᠠᠭᠤᠵᠤ ᠪᠠᠶᠢᠪᠠ᠃ ᠡᠭᠦᠨ ᠳᠤ ᠮᠢᠩ ᠤᠯᠤᠰ ᠤᠨ ᠲᠠᠯᠠ ᠨᠢ ᠤᠮᠠᠷᠠᠲᠤ ᠶᠤᠸᠠᠨ ᠤᠯᠤᠰ ᠤᠨ ᠲᠠᠯᠠ ᠳᠤ ᠠᠷᠠᠯᠵᠢᠶᠠ | ᠬᠤᠳᠠᠯᠳᠤᠭᠠ ᠨᠡᠪᠲᠡᠷᠡᠬᠦ ᠶᠢ ᠡᠷᠬᠢᠯᠡᠨ ᠮᠡᠳᠡᠬᠦ ᠬᠦᠮᠦᠨ ᠦᠭᠡᠢ ᠪᠣᠯᠬᠤ ᠠᠴᠠ ᠪᠣᠯᠭᠤᠮᠵᠢᠯᠠᠵᠤ᠂ ᠮᠤᠩᠭᠤᠯ ᠤᠨ | ᠪᠠᠶᠢᠳᠠᠯ ᠢ ᠲᠣᠭᠲᠠᠪᠤᠷᠢᠵᠢᠭᠤᠯᠬᠤ ᠶᠢᠨ ᠲᠦᠯᠦᠭᠡ ᠲᠠᠬᠢᠨ ᠬᠦᠮᠦᠨ ᠲᠣᠮᠢᠯᠠᠨ ᠴᠦᠷᠦᠭᠡ ᠶᠢ ᠢᠳᠬᠠᠵᠤ᠄ ︽ | ᠬᠠᠲᠤᠨ ᠢᠶᠠᠷ ᠡᠵᠡᠨ ᠲᠦᠷᠦ ᠳᠤ ᠭᠤᠷᠪᠠᠨ ᠦᠶᠡ ᠰᠢᠳᠤᠷᠭᠤ ᠳᠠᠭᠠᠭᠰᠠᠨ ᠪᠦᠯᠦᠭᠡ᠃ ᠴᠢ ᠬᠡᠷᠪᠡ ᠲᠡᠭᠦᠨ ᠯᠦᠭᠡ | ᠤᠷᠤᠭᠯᠠᠪᠠᠰᠤ ᠸᠠᠩ ᠡᠷᠭᠦᠮᠵᠢᠯᠡᠮᠤᠢ︾ ᠭᠡᠰᠡᠨ ᠳᠤ ᠴᠦᠷᠦᠭᠡ ᠲᠡᠷᠡ ᠳᠠᠷᠤᠢ ᠳᠤᠨᠢ ᠪᠤᠰᠤᠳ ᠳᠠᠲᠠᠪᠤᠷᠢ ᠨᠠᠷ ᠢᠶᠠᠨ | ᠦᠯᠳᠡᠨ ᠵᠠᠶᠢᠯᠠᠭᠤᠯᠵᠤ᠂ ᠵᠦᠩᠭᠡᠨ ᠬᠠᠲᠤᠨ ᠲᠠᠢ ᠦᠷᠦᠭᠡ ᠪᠠᠨ ᠬᠠᠮᠲᠤᠳᠬᠠᠵᠠᠢ᠃ ᠵᠦᠩᠭᠡᠨ ᠬᠠᠲᠤᠨ ᠮᠦᠨ | ᠤᠤᠯ ᠤᠨ ᠶᠣᠰᠤᠭᠠᠷ ᠮᠢᠩ ᠤᠯᠤᠰ ᠯᠤᠭᠠ ᠶᠢᠨ ᠬᠠᠷᠢᠯᠴᠠᠭᠠ ᠶᠠᠪᠤᠯᠴᠠᠭᠠ ᠶᠢᠨ ᠤᠴᠢᠷ ᠢ ᠬᠠᠮᠢᠶᠠᠷᠤᠭᠰᠠᠨ ᠳᠤ ᠮᠢᠩ | ᠤᠯᠤᠰ ᠤᠨ ︽ᠲᠦᠷᠦ ᠶᠢᠨ ᠣᠯᠠᠨ ᠢᠶᠠᠷ ᠢᠶᠠᠨ ᠪᠠᠶᠠᠰᠤᠯᠴᠠᠨ ᠬᠠᠷᠢᠯᠴᠠᠨ ᠪᠠᠶᠠᠷ ᠬᠦᠷᠭᠡᠬᠦ ᠳᠤ ᠬᠦᠷᠴᠡᠢ︾᠃ | 1587 ᠣᠨ ᠳᠤ ᠮᠢᠩ ᠤᠯᠤᠰ ᠤᠨ ᠵᠠᠰᠠᠭ ᠤᠨ ᠭᠠᠵᠠᠷ ᠨᠠᠮᠤᠳᠠᠢ ᠴᠦᠷᠦᠭᠡ ᠶᠢ ᠱᠦᠨ ᠢ ᠸᠠᠩ ᠡᠷᠭᠦᠮᠵᠢᠯᠡᠵᠦ᠂ | ᠵᠦᠩᠭᠡᠨ ᠬᠠᠲᠤᠨ ᠢ ︽ᠵᠦᠩ ᠱᠦᠨ ᠬᠠᠲᠤᠨ︾ ᠡᠷᠭᠦᠮᠵᠢᠯᠡᠪᠡ᠃ ᠮᠢᠩ ᠤᠯᠤᠰ ᠤᠨ ᠵᠠᠰᠠᠭ ᠤᠨ ᠭᠠᠵᠠᠷ ᠵᠦᠩᠭᠡᠨ | ᠬᠠᠲᠤᠨ ᠢ ᠨᠡᠶᠢᠲᠡ ᠭᠤᠷᠪᠠ ᠤᠳᠠᠭᠠ ︽ᠵᠦᠩ ᠱᠦᠨ ᠬᠠᠲᠤᠨ︾ ᠡᠷᠭᠦᠮᠵᠢᠯᠡᠭᠰᠡᠨ ᠭᠡᠵᠦ ᠮᠢᠩ ᠤᠯᠤᠰ ᠤᠨ | ᠲᠡᠤᠬᠡ ᠰᠤᠳᠤᠷ ᠲᠤ ᠲᠡᠮᠳᠡᠭᠯᠡᠵᠦ ᠪᠣᠢ᠃ ᠵᠦᠩᠭᠡᠨ ᠬᠠᠲᠤᠨ ᠤᠷᠢᠳ ᠬᠤᠵᠢᠳ ᠭᠤᠷᠪᠠᠨ ᠦᠶᠡ ᠶᠢᠨ ᠱᠦᠨ ᠢ | ᠸᠠᠩ ᠤᠨ ᠬᠠᠲᠤᠨ ᠪᠣᠯᠵᠤ᠂ ᠤᠮᠠᠷᠠᠲᠤ ᠶᠣᠸᠠᠨ ᠤᠯᠤᠰ ᠤᠨ ᠡᠯᠠ ᠠᠶᠢᠮᠠᠭ ᠪᠦᠯᠦᠭ ᠤᠨ ᠳᠤᠮᠲᠠ ᠲᠦᠢᠯ ᠤᠨ | ᠦᠨᠳᠦᠷ ᠢᠲᠡᠭᠡᠯ ᠬᠦᠨᠳᠦ ᠪᠠ ᠤᠷᠢᠶᠠᠯᠠᠨ ᠳᠠᠶᠢᠴᠢᠯᠠᠬᠤ ᠬᠦᠴᠦᠨ ᠲᠠᠢ ᠪᠠᠶᠢᠪᠠ᠃ ᠲᠡᠷᠡ ᠴᠡᠷᠢᠭ ᠤᠨ ᠡᠷᠬᠡ ᠶᠢ | ᠬᠠᠪᠰᠤᠷᠤᠨ ᠪᠠᠷᠢᠵᠦ᠂ ᠠᠷᠠᠯᠵᠢᠶᠠ ᠬᠤᠳᠠᠯᠳᠤᠭᠠᠨ ᠤ ᠶᠠᠪᠤᠳᠠᠯ ᠢ ᠭᠤᠣᠯᠴᠢᠯᠠᠨ ᠠᠳᠬᠤᠭᠠᠳ᠂ ᠮᠢᠩ ᠤᠯᠤᠰ ᠲᠠᠢ | ︽ᠯᠦᠩ ᠴᠢᠩ ᠤᠨ ᠡᠪᠰᠡᠯ︾ ᠶᠣᠰᠤᠭᠠᠷ ᠦᠷᠭᠦᠯᠵᠢᠯᠡᠨ ᠨᠦᠬᠦᠷᠰᠡᠭ ᠶᠠᠪᠤᠯᠴᠠᠬᠤ ᠶᠢ ᠶᠣᠰᠤᠴᠢᠯᠠᠨ ᠵᠣᠷᠢᠵᠤ | ᠪᠠᠶᠢᠭᠰᠠᠨ ᠪᠦᠭᠡᠳ ᠨᠠᠶᠢᠷᠠᠮᠳᠠᠯ ᠤᠨ ᠭᠡᠷᠡ ᠲᠣᠭᠲᠠᠭᠠᠯ ᠢ ᠵᠦᠷᠢᠴᠡᠵᠦ ᠳᠤᠷᠠ ᠲᠠᠪᠠ ᠪᠠᠷ ᠢᠶᠠᠨ ᠪᠤᠯᠢᠶᠠᠨ | ᠳᠡᠭᠡᠷᠡᠮᠳᠡᠯᠭᠡ ᠬᠢᠭᠰᠡᠳ ᠢ ᠬᠠᠶᠢᠷᠠ ᠨᠠᠶᠢᠷ ᠦᠭᠡᠢ ᠬᠦᠨᠳᠦ ᠰᠢᠳᠭᠡᠵᠦ ᠪᠠᠶᠢᠵᠠᠢ᠃ ᠲᠡᠭᠡᠪᠡᠯ ᠵᠦᠩᠭᠡᠨ ᠬᠠᠲᠤᠨ ᠤ | ᠦᠶᠡ ᠳᠤ ᠪᠤᠷᠬᠠᠨ ᠱᠠᠰᠢᠨ ᠤ ᠴᠢᠬᠤᠯᠠ ᠨᠢᠭᠡ ᠰᠤᠳᠤᠷ ᠪᠣᠯᠬᠤ ︽ᠭᠠᠨᠵᠤᠤᠷ︾ ᠢ ᠣᠷᠴᠢᠭᠤᠯᠤᠭᠰᠠᠨ ᠪᠠᠶᠢᠨᠠ᠃ | ᠪᠤᠷᠬᠠᠨ ᠱᠠᠰᠢᠨ ᠤ ᠨᠣᠮ ᠰᠤᠳᠤᠷ ᠣᠯᠠᠨ ᠪᠤᠢ᠂ ᠲᠦᠪᠡᠳ ᠠᠴᠠ ᠤᠯᠠᠮᠵᠢᠯᠠᠭᠰᠠᠨ ᠪᠤᠷᠬᠠᠨ ᠱᠠᠰᠢᠨ ᠪᠣᠯ ᠬᠤᠶᠠᠷ | ᠶᠡᠭᠡ ᠨᠣᠮ ᠢᠶᠠᠷ ᠪᠦᠬᠦ ᠪᠤᠷᠬᠠᠨ ᠱᠠᠰᠢᠨ ᠤ ᠶᠣᠰᠤ ᠶᠢ ᠬᠤᠷᠢᠶᠠᠩᠭᠤᠶᠢᠯᠠᠵᠤ ᠪᠠᠶᠢᠳᠠᠭ᠃ ︽ᠭᠠᠨᠵᠤᠤᠷ︾ | ᠰᠤᠳᠤᠷ ᠲᠤ ᠱᠠᠭᠵᠠᠮᠤᠨᠢ ᠶᠢᠨ ᠦᠭᠡ ᠪᠣᠯᠣᠨ ᠪᠤᠷᠬᠠᠨ ᠤ ᠰᠠᠬᠢᠯ ᠰᠠᠨᠸᠠᠷ ᠢ ᠪᠢᠴᠢᠵᠦ ᠪᠠᠶᠢᠳᠠᠭ᠃ ︽ᠳ᠋ᠠᠨᠵᠤᠤᠷ︾ | ᠲᠤ ᠱᠠᠭᠵᠠᠮᠤᠨᠢ ᠠᠴᠠ ᠬᠤᠶᠢᠰᠢᠬᠢ ᠪᠤᠷᠬᠠᠨ ᠱᠠᠰᠢᠨ ᠤ ᠲᠣᠮᠤ ᠡᠷᠳᠡᠮᠳᠡᠨ ᠮᠡᠷᠭᠡᠳ ᠤᠨ ᠵᠤᠬᠢᠶᠠᠯ ᠪᠦᠳᠦᠭᠡᠯ ᠢ | ᠪᠢᠴᠢᠵᠦ ᠣᠷᠣᠭᠤᠯᠤᠭᠰᠠᠨ ᠪᠠᠶᠢᠳᠠᠭ᠃ ︽ᠭᠠᠨᠵᠤᠤᠷ︾ ᠢ ᠠᠯᠲᠠᠨ ᠬᠠᠨ ᠳᠠᠯᠠᠢ ᠯᠠᠮᠠ ᠲᠠᠢ ᠠᠭᠤᠯᠵᠠᠭᠰᠠᠨ ᠤ | ᠰᠡᠭᠦᠯᠡᠷ ᠵᠠᠯᠠᠵᠤ ᠠᠪᠴᠢᠷᠠᠭᠠᠳ᠂ ᠵᠦᠩᠭᠡᠨ ᠬᠠᠲᠤᠨ ᠤ ᠤᠳᠤᠷᠢᠳᠤᠯᠭᠠ ᠳᠣᠣᠷᠠ ᠡᠬᠢᠯᠡᠨ ᠣᠷᠴᠢᠭᠤᠯᠵᠤ᠂ ᠯᠢᠭᠳᠡᠨ | ᠬᠤᠳᠤᠭᠳᠤ ᠬᠠᠭᠠᠨ ᠤ ᠦᠶᠡ ᠳᠤ ᠬᠦᠷᠦᠭᠡᠳ ᠪᠦᠬᠦ ᠨᠣᠮ ᠢ ᠬᠦᠷᠪᠡᠭᠦᠯᠵᠦ ᠳᠠᠭᠤᠰᠬᠠᠭᠰᠠᠨ ᠪᠠᠶᠢᠨᠠ᠃ ︽ | ᠭᠠᠨᠵᠤᠤᠷ︾ ᠤᠨ ᠣᠷᠴᠢᠭᠤᠯᠤᠭᠳᠠᠭᠰᠠᠨ ᠶᠠᠪᠤᠳᠠᠯ ᠨᠢ ᠪᠤᠷᠬᠠᠨ ᠤ ᠱᠠᠰᠢᠨ ᠮᠤᠩᠭᠤᠯ ᠣᠷᠣᠨ ᠳᠤ ᠨᠡᠩ ᠦᠷᠭᠡᠨ | ᠬᠡᠪᠴᠢᠶᠡ ᠪᠠᠷ ᠤᠯᠠᠮᠵᠢᠯᠠᠭᠳᠠᠨ ᠲᠠᠷᠬᠠᠬᠤ ᠳᠤ ᠮᠠᠰᠢ ᠴᠢᠬᠤᠯᠠ ᠦᠢᠯᠡᠳᠦᠯ ᠭᠠᠷᠭᠠᠵᠠᠢ᠃ ᠭᠤᠷᠪᠠᠳᠤᠭᠠᠷ ᠳᠦᠷᠢ ᠶᠢᠨ | ᠳᠠᠯᠠᠢ ᠯᠠᠮᠠ ᠨᠢᠷᠸᠠᠨ ᠳᠦᠷᠢ ᠦᠵᠡᠭᠦᠯᠦᠭᠰᠡᠨ ᠤ ᠳᠠᠷᠠᠭᠠ ᠵᠢᠯ ᠨᠢ ᠰᠡᠩᠭᠡ ᠳᠦᠭᠦᠷᠡᠩ ᠤᠨ ᠬᠦᠦ ᠰᠦᠮᠡᠷ | ᠲᠠᠶᠢᠵᠢ ᠶᠢᠨ ᠭᠡᠷ ᠲᠤ ᠲᠦᠷᠪᠡᠳᠦᠭᠡᠷ ᠳᠦᠷᠢ ᠶᠢᠨ ᠳᠠᠯᠠᠢ ᠯᠠᠮᠠ ᠲᠣᠳᠤᠷᠠᠭᠰᠠᠨ ᠪᠠᠶᠢᠨᠠ᠂ ᠲᠡᠭᠦᠨ ᠤ ᠨᠡᠷᠡ ᠶᠢ | ᠶᠣᠨᠳᠤᠨᠵᠠᠮᠰᠤ ᠭᠡᠳᠡᠭ᠃ ᠰᠡᠭᠦᠯᠡᠷ ᠨᠢ ᠨᠠᠮᠤᠲᠠᠢ ᠴᠦᠷᠦᠭᠡ ᠰᠡᠴᠡᠨ ᠬᠠᠨ ᠪᠣᠯᠤᠨ ᠵᠦᠩᠭᠡᠨ ᠬᠠᠲᠤᠨ ᠬᠤᠶᠠᠭᠤᠯᠠ | ᠲᠡᠷᠡ ᠬᠦᠦ ᠶᠢ ᠬᠦᠬᠡᠬᠤᠲᠠ ᠳᠤ ᠠᠪᠴᠢᠷᠠᠵᠤ᠂ ᠰᠢᠷᠡᠭᠡᠳᠦ ᠵᠤᠤ ᠶᠢᠨ ᠰᠢᠷᠡᠭᠡᠨ ᠳᠤ ᠰᠠᠭᠤᠯᠭᠠᠭᠠᠳ᠂ ᠠᠷᠪᠠᠨ | ᠭᠤᠷᠪᠠᠲᠠᠢ ᠳᠤᠨᠢ ᠲᠦᠪᠡᠳ ᠲᠤ ᠮᠣᠷᠳᠠᠭᠤᠯᠵᠠᠢ᠃ ᠡᠨᠡ ᠬᠡᠷᠡᠭ ᠲᠤ ᠵᠦᠩᠭᠡᠨ ᠬᠠᠲᠤᠨ ᠪᠠᠰᠠ ᠮᠠᠰᠢ ᠶᠡᠭᠡ ᠡᠭᠦᠷᠭᠡ | ᠬᠦᠢᠴᠡᠳᠭᠡᠭᠰᠡᠨ᠃ ᠰᠡᠭᠦᠯᠡᠷ ᠨᠢ ᠶᠣᠨᠳᠤᠨᠵᠠᠮᠰᠤ ᠲᠦᠪᠡᠳ ᠲᠤ ᠬᠤᠷᠢᠨ ᠬᠡᠳᠦᠲᠠᠶᠢᠬᠡᠨ ᠨᠢᠷᠸᠠᠨ ᠳᠦᠷᠢ | ᠦᠵᠡᠭᠦᠯᠵᠡᠢ᠃ ᠠᠯᠲᠠᠨ ᠬᠠᠨ ᠵᠦᠩᠭᠡᠨ ᠬᠠᠲᠤᠨ ᠬᠤᠶᠠᠷ ᠪᠤᠷᠬᠠᠨ ᠱᠠᠰᠢᠨ ᠢ ᠳᠡᠯᠭᠡᠷᠡᠭᠦᠯᠬᠦ ᠠᠵᠢᠯᠯᠠᠭᠠ ᠶᠢ | ᠡᠬᠢᠯᠡᠭᠦᠯᠦᠭᠰᠡᠨ ᠠᠴᠠ ᠬᠤᠶᠢᠰᠢ ᠲᠦᠪᠡᠳ ᠠᠴᠠ ᠮᠠᠨᠽᠤᠰᠢᠷᠢ ᠬᠤᠳᠤᠭᠳᠤ᠂ ᠮᠠᠶᠢᠳᠠᠷᠢ ᠬᠤᠳᠤᠭᠳᠤ ᠭᠡᠬᠦ ᠵᠡᠷᠭᠡ ᠶᠢᠨ | ᠣᠯᠠᠨ ᠬᠤᠳᠤᠭᠳᠤ ᠬᠤᠪᠢᠯᠭᠠᠨ ᠢ ᠮᠤᠩᠭᠤᠯ ᠣᠷᠣᠨ ᠳᠤ ᠵᠠᠯᠠᠵᠤ᠂ ᠪᠤᠷᠬᠠᠨ ᠨᠣᠮ ᠤᠩᠰᠢᠭᠤᠯᠵᠤ᠂ ᠰᠦᠮᠡ | ᠪᠠᠷᠢᠵᠤ᠂ ᠪᠤᠷᠬᠠᠨ ᠤ ᠬᠦᠷᠦᠭ ᠵᠢᠷᠤᠭ ᠪᠦᠳᠦᠭᠡᠬᠦ ᠵᠡᠷᠭᠡ ᠣᠯᠠᠨ ᠠᠵᠢᠯ ᠢ ᠬᠢᠭᠰᠡᠨ ᠪᠠᠶᠢᠵᠠᠢ᠃ ᠭᠤᠷᠪᠠᠳᠤᠭᠠᠷ | ᠳᠦᠷᠢ ᠶᠢᠨ ᠳᠠᠯᠠᠢ ᠯᠠᠮᠠ ᠲᠦᠮᠡᠳ ᠲᠤ ᠢᠷᠡᠭᠰᠡᠨ ᠤ ᠰᠡᠭᠦᠯᠡᠷ ᠬᠠᠯᠬᠠ ᠶᠢᠨ ᠠᠪᠠᠲᠠᠢ ᠬᠠᠨ ᠬᠦᠬᠡᠬᠤᠲᠠ ᠳᠤ | ᠢᠷᠡᠵᠦ᠂ ᠵᠦᠩᠭᠡᠨ ᠬᠠᠲᠤᠨ ᠲᠠᠢ ᠠᠭᠤᠯᠵᠠᠨ᠂ ᠬᠠᠯᠬᠠ ᠳᠤ ᠪᠤᠷᠬᠠᠨ ᠱᠠᠰᠢᠨ ᠢ ᠵᠠᠯᠠᠵᠤ ᠪᠠᠶᠢᠭᠰᠠᠨ᠃ ᠡᠨᠡ | ᠲᠣᠬᠠᠢ ᠲᠡᠤᠬᠡ ᠨᠠᠮᠲᠠᠷ ᠲᠤ᠄ ᠬᠠᠯᠬᠠ ᠲᠦᠮᠡᠨ ᠤ ᠡᠵᠡᠨ ᠪᠣᠯᠣᠭᠰᠠᠨ ᠠᠪᠠᠲᠠᠢ ᠰᠠᠶᠢᠨ ᠬᠠᠭᠠᠨ ᠬᠤᠲᠠᠯᠠ ᠶᠢᠨ | ᠡᠵᠡᠨ ᠭᠡᠭᠡᠨ ᠬᠠᠭᠠᠨ ᠠᠪᠠᠭᠠ ᠶᠤᠭᠠᠨ ᠦᠢᠯᠡᠳᠦᠭᠰᠡᠨ ᠱᠠᠰᠢᠨ ᠨᠣᠮ ᠳᠤ ᠣᠷᠤᠨ ᠬᠤᠳᠤᠭᠳᠤ ᠳᠠᠯᠠᠢ ᠯᠠᠮᠠ ᠳᠤᠷ | ᠬᠦᠰᠡᠭᠦᠢ ᠰᠡᠳᠬᠢᠯ ᠤᠨ ᠡᠭᠦᠳᠡᠨ ᠠᠴᠠ ᠮᠦᠷᠭᠦᠨ ᠬᠤᠷᠢᠶᠠᠬᠤ ᠪᠤᠶᠠᠨ ᠪᠠᠷᠠᠮᠢᠳ ᠲᠣᠭᠠᠯᠠᠰᠢ ᠦᠭᠡᠢ ᠴᠠᠭᠯᠠᠰᠢ | ᠦᠭᠡᠢ ᠬᠦᠷᠭᠡᠵᠦ ᠢᠷᠡᠬᠦ ᠶᠢᠨ ᠤᠷᠢᠲᠠ ᠠᠴᠠ ᠬᠤᠪᠢᠯᠭᠠᠨ ᠳᠠᠯᠠᠢ ᠯᠠᠮᠠ ᠶᠢᠨ ᠵᠡᠭᠦᠳᠦᠨ ᠳᠤ ᠬᠦᠷᠡᠩ ᠡᠷᠢᠶᠡᠨ ᠪᠠᠷᠰ | ᠪᠣᠯᠣᠨ ᠰᠠᠨᠳᠠᠯᠢ ᠳᠠᠯᠠᠢ ᠯᠠᠮᠠ ᠦᠷᠦᠰᠢᠶᠡᠵᠦ ᠠᠪᠠᠲᠠᠢ ᠰᠠᠶᠢᠨ ᠬᠠᠭᠠᠨ ᠳᠤ ᠸᠴᠢᠷᠠᠢ ᠬᠠᠭᠠᠨ ᠴᠤᠯᠠ ᠰᠣᠶᠣᠷᠬᠠᠪᠠᠢ᠂ | ᠲᠡᠷᠡ ᠪᠤᠳᠢᠰᠠᠩ ᠤᠨ ᠬᠤᠪᠢᠯᠭᠠᠨ ᠵᠦᠩᠭᠡᠨ ᠬᠠᠲᠤᠨ ᠪᠡᠷᠭᠡᠨ ᠳᠡᠭᠡᠨ ᠮᠦᠷᠭᠦᠵᠦ ᠵᠣᠯᠭᠠᠯᠳᠤᠪᠠᠢ ᠭᠡᠵᠦ ᠪᠢᠴᠢᠵᠦ | ᠪᠠᠶᠢᠨᠠ᠃ ᠵᠦᠩᠭᠡᠨ ᠬᠠᠲᠤᠨ ᠠᠯᠲᠠᠨ ᠬᠠᠨ ᠤ ᠬᠢᠭᠰᠡᠨ ᠱᠠᠰᠢᠨ ᠤ ᠠᠵᠢᠯᠯᠠᠭᠠ ᠨᠢ ᠪᠠᠷᠠᠭᠤᠨ ᠭᠤᠷᠪᠠᠨ | ᠲᠦᠮᠡᠨ ᠢᠶᠠᠷ ᠪᠠᠷᠠᠬᠤ ᠦᠭᠡᠢ ᠵᠡᠭᠦᠨ ᠭᠤᠷᠪᠠᠨ ᠲᠦᠮᠡᠨ᠂ ᠴᠠᠬᠠᠷ᠂ ᠬᠠᠯᠬᠠ ᠳᠤ ᠪᠠᠰᠠ ᠱᠠᠰᠢᠨ ᠳᠡᠯᠭᠡᠷᠡᠬᠦᠯᠬᠦ | ᠦᠷᠨᠢᠯᠲᠡ ᠶᠢ ᠪᠤᠢ ᠪᠣᠯᠭᠠᠭᠰᠠᠨ ᠪᠠᠶᠢᠨᠠ᠃ ᠡᠳᠡᠭᠡᠷ ᠣᠯᠠᠨ ᠠᠵᠢᠯᠯᠠᠭᠠ ᠠᠴᠠ ᠵᠦᠩᠭᠡᠨ ᠬᠠᠲᠤᠨ ᠲᠦᠮᠡᠳ ᠤᠨ | ᠭᠤᠷᠪᠠᠨ ᠬᠠᠨ ᠤ ᠦᠶᠡ ᠳᠤ ᠲᠦᠷᠦ ᠱᠠᠰᠢᠨ ᠤ ᠲᠠᠯᠠ ᠪᠠᠷ ᠶᠠᠮᠠᠷ ᠰᠢᠭ᠋ ᠵᠢᠳᠭᠦᠯ ᠭᠠᠷᠭᠠᠭᠰᠠᠨ ᠢ ᠣᠶᠢᠯᠠᠭᠠᠵᠤ | ᠪᠣᠯᠣᠨᠠ᠃ |