| ᠰᠢᠨᠬᠤᠸᠠ ᠬᠤᠷᠢᠶᠠ ᠪᠡᠭᠡᠵᠢᠩ ᠤᠨ 12 ᠰᠠᠷᠠ ᠶᠢᠨ 25 ᠤ ᠡᠳᠦᠷ ᠤᠨ ᠴᠠᠬᠢᠯᠭᠠᠨ ᠮᠡᠳᠡᠭᠡ᠂ | ᠠᠮᠧᠷᠢᠺᠠ ᠶᠢᠨ ᠨᠢᠭᠡ ᠰᠤᠳᠤᠯᠭᠠᠨ ᠢᠶᠠᠷ ᠭᠠᠷᠠᠬ ᠲᠤ ᠠᠳᠠᠬ ᠲᠠᠭᠠᠨ ᠨᠢᠭᠡ ᠤᠳᠠᠭᠠ ᠵᠢᠭᠠᠰᠤ ᠢᠳᠡᠳᠡᠭ | ᠬᠡᠦᠬᠡᠳ ᠤᠨ ᠨᠦᠢᠷ ᠨᠢ ᠰᠠᠶᠢᠨ ᠳᠡᠳᠦᠢ ᠦᠬᠡᠢ ᠪᠠᠰᠠ ᠤᠶᠤᠨ ᠴᠢᠳᠠᠪᠤᠷᠢ ᠨᠢ ᠨᠡᠮᠡᠭᠳᠡᠳᠡᠭ ᠭᠡᠵᠦ ᠭᠡᠷᠡᠴᠢᠯᠡᠵᠡᠢ᠃ | ᠲᠡᠶᠢᠨᠬᠦ ᠰᠤᠳᠤᠯᠭᠠᠲᠠᠳ ᠠᠴᠠ ᠬᠦᠮᠦᠰ ᠢ ᠬᠡᠦᠬᠡᠳ ᠲᠡᠭᠡᠨ ᠡᠷᠲᠡᠬᠡᠨ ᠵᠢᠭᠠᠰᠤ ᠢᠳᠡᠭᠦᠯᠬᠦ ᠶᠢ ᠰᠠᠨᠠᠭᠤᠯᠵᠦ ᠪᠤᠢ᠃ | ᠵᠠᠷᠢᠮ ᠰᠤᠳᠤᠯᠭᠠᠨ ᠢᠶᠠᠷ᠂ ᠵᠢᠭᠠᠰᠤᠨ ᠤ ᠲᠦᠷᠦᠯ ᠳᠤ ᠡᠯᠪᠡᠭ ᠠᠭᠤᠯᠠᠬᠳᠠᠬᠤ OMEGA-3 ᠦᠭᠡᠬᠦᠨ | ᠬᠦᠴᠢᠯ ᠨᠢ ᠬᠦᠮᠦᠨ ᠤ ᠲᠠᠨᠢᠨ ᠮᠡᠳᠡᠬᠦᠢ ᠴᠢᠳᠠᠪᠤᠷᠢ ᠶᠢ ᠳᠡᠭᠡᠭᠰᠢᠯᠡᠭᠦᠯᠵᠦ᠂ ᠨᠦᠢᠷ ᠢ ᠰᠠᠶᠢᠵᠢᠷᠠᠭᠤᠯᠳᠠᠬ ᠭᠡᠵᠦ | ᠭᠡᠷᠡᠴᠢᠯᠡᠵᠡᠢ᠃ ᠲᠡᠭᠡᠪᠡᠯ ᠵᠢᠭᠠᠰᠤ ᠢᠳᠡᠬᠦ ᠨᠢ ᠲᠠᠨᠢᠨ ᠮᠡᠳᠡᠬᠦᠢ ᠴᠢᠳᠠᠪᠤᠷᠢ ᠶᠢ ᠳᠡᠭᠡᠭᠰᠢᠯᠡᠬᠦᠯᠬᠦ ᠪᠠ ᠨᠦᠢᠷ | ᠰᠠᠶᠢᠵᠢᠷᠠᠭᠤᠯᠬᠤ ᠲᠠᠢ ᠴᠤᠬᠤᠮ ᠶᠠᠮᠠᠷ ᠬᠤᠯᠪᠤᠭᠠ ᠲᠠᠢ ᠪᠤᠢ︖ ᠡᠭᠦᠨ ᠢ ᠲᠤᠳᠤᠷᠠᠭᠤᠯᠬᠤ ᠶᠢᠨ ᠳᠤᠯᠠᠲᠠ | ᠠᠮᠧᠷᠢᠺᠠ ᠶᠢᠨ ᠫᠧᠨᠰᠦ᠋ᠧᠶᠢᠨᠢᠶᠠ ᠶᠡᠭᠡ ᠰᠤᠷᠭᠠᠭᠤᠯᠢ ︵University of Pennsylvania︶ ᠶᠢᠨ | ᠰᠤᠳᠤᠯᠭᠠᠲᠠᠳ 9-11 ᠨᠠᠰᠤᠨ ᠤ ᠬᠤᠭᠤᠷᠤᠨᠳᠤᠬᠢ 541 ᠬᠡᠦᠬᠡᠳ ︵ᠬᠦᠦ 54% ᠶᠢ ᠡᠵᠡᠯᠡᠵᠦ᠂ ᠦᠬᠢᠨ | 46% ᠶᠢ ᠡᠵᠡᠯᠡᠵᠡᠢ︶ ᠢ ᠰᠤᠩᠭᠤᠵᠦ ᠰᠤᠳᠤᠯᠭᠠ ᠬᠢᠵᠡᠢ᠃ ᠰᠤᠳᠤᠯᠭᠠᠲᠠᠳ ᠠᠰᠠᠭᠤᠯᠲᠠ ᠬᠠᠷᠢᠭᠤᠯᠲᠠ ᠶᠢᠨ | ᠬᠠᠭᠤᠳᠠᠰᠤ ᠪᠠᠷ ᠳᠠᠮᠵᠢᠨ ᠡᠳᠡᠭᠡᠷ ᠬᠡᠦᠬᠡᠳ ᠤᠨ ᠦᠩᠭᠡᠷᠡᠭᠰᠡᠨ ᠰᠠᠷᠠ ᠳᠤ ᠵᠢᠭᠠᠰᠤ ᠢᠳᠡᠭᠰᠡᠨ ᠪᠠᠶᠢᠳᠠᠯ ᠢ | ᠤᠶᠢᠯᠠᠭᠠᠬᠤ ᠶᠢᠨ ᠬᠠᠮᠲᠤ ᠸᠠᠺᠠᠰᠯᠧᠷ ᠬᠡᠦᠬᠡᠳ ᠤᠨ ᠤᠶᠤᠨ ᠤ ᠬᠡᠮᠵᠢᠭᠦᠷᠯᠢᠭ ︵Wechsler | Intelligence Scale for Children︶ ᠢ ᠬᠡᠷᠡᠭᠯᠡᠨ ᠳᠡᠳᠡᠨᠠᠷ ᠤᠨ ᠬᠡᠯᠡ ᠶᠠᠷᠢᠶᠠᠨ ᠤ ᠴᠢᠳᠠᠪᠤᠷᠢ | ᠪᠤᠯᠤᠨ ᠬᠡᠯᠡ ᠶᠠᠷᠢᠶᠠᠨ ᠤ ᠪᠤᠰᠤ ᠴᠢᠳᠠᠪᠤᠷᠢ ᠶᠢ ᠰᠢᠯᠭᠠᠵᠠᠢ᠃ ᠪᠠᠰᠠ ᠡᠳᠡᠭᠡᠷ ᠬᠡᠦᠬᠡᠳ ᠤᠨ ᠠᠪᠤ ᠡᠵᠢ ᠪᠠᠷ ᠨᠢ | ᠤᠨᠲᠠᠬᠤ ᠴᠠᠬ᠂ ᠰᠦᠨᠢ ᠰᠡᠷᠢᠬᠦ ᠡᠰᠡᠬᠦ᠂ ᠡᠳᠦᠷ ᠨᠦᠢᠷᠮᠤᠭᠯᠠᠬᠤ ᠡᠰᠡᠬᠦ ᠵᠡᠷᠭᠡ ᠠᠭᠤᠯᠭᠠ ᠶᠢ ᠬᠠᠮᠤᠷᠠᠬᠰᠠᠨ | ᠨᠦᠢᠷ ᠤᠨ ᠴᠢᠨᠠᠷ ᠴᠢᠨᠰᠠᠭᠠ ᠲᠠᠢ ᠬᠤᠯᠪᠤᠬᠳᠠᠬᠤ ᠠᠰᠠᠭᠤᠯᠲᠠ ᠨᠤᠭᠤᠳ ᠢ ᠬᠠᠷᠢᠭᠤᠯᠤᠭᠤᠯᠤᠬᠰᠠᠨ ᠪᠠᠶᠢᠨᠠ᠃ | ᠰᠤᠳᠤᠯᠭᠠᠨ ᠤ ᠳ᠋ᠦᠩ ᠳᠤ᠂ ᠭᠠᠷᠠᠬ ᠪᠦᠷᠢ ᠵᠢᠭᠠᠰᠤ ᠢᠳᠡᠳᠡᠭ ᠬᠡᠦᠬᠡᠳ ᠤᠨ ᠤᠶᠤᠨ ᠤ ᠴᠢᠳᠠᠪᠤᠷᠢ ᠵᠢᠭᠠᠰᠤ | ᠴᠦᠭᠡᠨ ᠢᠳᠡᠳᠡᠭ ᠪᠤᠶᠤ ᠵᠢᠭᠠᠰᠤ ᠢᠳᠡᠳᠡᠭ ᠦᠭᠡᠢ ᠬᠡᠦᠬᠡᠳ ᠤᠨ ᠬᠢ ᠠᠴᠠ 4.8 ᠬᠤᠪᠢ ᠦᠨᠳᠦᠷ ᠪᠠᠶᠢᠬᠰᠠᠨ | ᠮᠦᠷᠲᠡᠭᠡᠨ ᠵᠢᠭᠠᠰᠤ ᠢᠳᠡᠬᠦ ᠪᠠᠨ ᠨᠡᠮᠡᠭᠳᠡᠬᠦᠯᠬᠦ ᠪᠠ ᠨᠦᠢᠷ ᠬᠤᠯᠵᠢᠬᠤ ᠶᠢ ᠨᠠᠮᠳᠠᠭᠠᠬᠤ ᠬᠤᠶᠠᠷ ᠬᠤᠯᠪᠤᠭᠠ ᠲᠠᠢ ᠶᠢ | ᠢᠯᠡᠷᠡᠭᠦᠯᠵᠡᠢ᠃ ᠡᠶᠢᠨᠬᠦ ᠰᠤᠳᠤᠯᠭᠠᠲᠠᠳ ᠵᠢᠭᠠᠰᠤ ᠢᠳᠡᠬᠦ ᠨᠢ ᠨᠦᠢᠷ ᠢ ᠰᠠᠶᠢᠵᠢᠷᠠᠭᠤᠯᠬᠤ ᠶᠤᠮ ᠪᠠᠶᠢᠨᠠ ᠭᠡᠵᠦ | ᠦᠵᠡᠵᠡᠢ᠃ ᠲᠤᠰ ᠰᠤᠳᠤᠯᠭᠠᠨ ᠵᠢᠭᠠᠰᠦ ᠢᠳᠡᠬᠦ ᠨᠢ ᠬᠦᠮᠦᠨ ᠤ ᠪᠡᠶᠡ ᠶᠢᠨ ᠡᠷᠡᠬᠦᠯ ᠴᠢᠭᠢᠷᠠᠬ ᠲᠤ ᠠᠰᠢᠬᠲᠠᠢ | ᠭᠡᠳᠡᠭ ᠢ ᠤᠯᠠᠮ ᠪᠠᠲᠤᠲᠠᠢ ᠭᠡᠷᠡᠴᠢᠯᠡᠪᠡ᠂ ᠰᠤᠷᠲᠠᠯᠴᠢᠯᠠᠨ ᠳᠡᠯᠭᠡᠷᠡᠭᠦᠯᠬᠦ ᠶᠤᠰᠤᠲᠠᠢ᠃ ᠬᠦᠮᠦᠰ ᠬᠡᠦᠬᠡᠳ ᠲᠡᠭᠡᠨ | 10 ᠰᠠᠷᠠ ᠲᠠᠢ ᠠᠴᠠ ᠨᠢ ᠵᠢᠭᠠᠰᠤ ᠢᠳᠡᠭᠦᠯᠪᠡᠯ ᠵᠤᠬᠢᠨᠠ ᠭᠡᠵᠦ ᠰᠤᠳᠤᠯᠭᠠᠲᠠᠳ ᠰᠠᠨᠠᠭᠤᠯᠵᠠᠢ᠃ | |